«Արժեքները ԵՄ քաղաքականության և որոշումների կայացման գործընթացում» խորագրով դասընթաց

Ս.թ. հոկտեմբերի 27-29-ը՝ ժամը 18:00-ին, Ծաղկաձորի «Ռոսիա» հյուրանոցային համալիրում կանցկացվի «Արժեքները ԵՄ քաղաքականության և որոշումների կայացման գործընթացում» խորագրով դասընթացը, որը կազմակերպվում է ԵՊՀ հայագիտական հետազոտությունների ինստիտուտի և «Ֆրիդրիխ Էբերտ» հիմնադրամի (ՖԷՀ) համագործակցության շրջանակում:

Դասընթացը նախատեսված է Միջազգային հարաբերությունների ֆակուլտետի բակալավրիատի բարձր կուրսերի և մագիստրատուրայի ուսանողների, ինչպես նաև ասպիրանտների և հայցորդների համար։

Դասընթացի շրջանակում բանախոսություններով հանդես կգան ԵՊՀ ուսումնական/ակադեմիական գծով պրոռեկտոր Էլինա Ասրիյանը, ՀՀ ՊՆ ներկայացուցիչ Ժիրայր Ամիրխանյանը, ՀՀ ԱԳՆ դիվանագիտական դպրոցի տնօրեն Վահե Գաբրիելյանը, Ամստերդամի համալսարանի դոկտոր Մայքլ Լիզենբերգը և Քրիս Ռոուլինգսը Միացյալ Թագավորությունից։