ԵՊՀ-ում կանցկացվի «BioExpo» ցուցահանդեսը

Ս.թ. նոյեմբերի 24-ին՝ ժամը 12:00-ին, ԵՊՀ կենտրոնական մասնաշենքի նախասրահում կանցկացվի «BioExpo» ցուցահանդեսը:

Միջոցառումը կազմակերպվում է ԵՊՀ կենսաբանության ֆակուլտետի նախաձեռնությամբ և Շրջանավարտների և կարիերայի կենտրոնի, Ընդունելության և դիմորդների հետ տարվող աշխատանքների կենտրոնի, Ուսանողական գիտական ընկերության և Ուսանողական խորհրդի աջակցությամբ:

«BioExpo» ցուցահանդեսին մասնակցելու են Կենսաբանության ֆակուլտետի ամբիոնները, ինչպես նաև ՀՀ ԳԱԱ գիտահետազոտական ինստիտուտներ, Հայաստանի Հանրապետության պետական կառավարման համակարգի մարմիններ, կլինիկական ախտորոշիչ լաբորատորիաներ, բնապահպանության, սննդարդյունաբերության, կենսատեխնոլոգիայի ոլորտների տարբեր կազմակերպություններ և այլն։