«Եկեղեցու դերը Սփյուռքի համայնքային կյանքում» խորագրով դասախոսություն ԵՊՀ պատմության ֆակուլտետում
Ս.թ. դեկտեմբերի 18-ին՝ ժամը 14:30-ին, ԵՊՀ 6-րդ մասնաշենքի ընթերցասրահում կանցկացվի դասախոսություն՝ «Եկեղեցու դերը Սփյուռքի համայնքային կյանքում» խորագրով:
Մասնագիտական դասախոսությամբ հանդես կգա Սեյնթ Ջոնս համալսարանի (Նյու Յորք) պրոֆեսոր, Ֆորդհեմի համալսարանի աստվածաբանության դոկտոր, հայազգի տեր Աբրահամ Մանուկ քահանա Մալխասյանը: Դասախոսության նպատակն է լուսաբանել եկեղեցու դերը Սփյուռքի համայնքային կյանքում` ներկայացնելով վերջինիս հոգևոր-մշակութային և գիտակրթական գործունեությունը, ինչպես նաև անդրադառնալ Հայկական սփյուռքում եկեղեցու ծավալած հայապահպան գործունեությանը:
Միջոցառմանը ներկա կլինեն «Հայոց պատմություն», «Սփյուռքագիտություն» և «Հայագիտություն» մագիստրոսական կրթական ծրագրերի ուսանողներ, Պատմության ֆակուլտետի պրոֆեսորադասախոսական կազմի ներկայացուցիչներ և թեմայով հետաքրքրվող այլ անձինք:
