Լիլի համալսարանի (Ֆրանսիա) պրոֆեսորը դասախոսություններ կկարդա համալսարանականների համար

Ս.թ. փետրվարի 6-ին՝ ժամը 13:30-ին, Ա. Լ. Թախտաջյանի անվան բուսաբանության ինստիտուտում ԵՊՀ կենսաբանության ֆակուլտետի կենդանաբանության ամբիոնի նախաձեռնությամբ դասախոսություններով հանդես կգա Լիլի համալսարանի (Ֆրանսիա) տեխնոլոգիայի և գիտության ֆակուլտետի հնէաբանական գիտությունների պրոֆեսոր Տարիել Դանիելյանը։

Պրոֆեսորը դասախոսություններ կկարդա «Բրածո օրգանիզմների դերը Երկրի, կյանքի և էվոլյուցիոն գիտություններում» և «Շերտագրության կարևորությունը մասսայական ոչնչացումների և Երկրի կլիմայի անցյալի փոփոխությունների համար» թեմաներով։

Դասախոսությունների շրջանակում կքննարկվեն համատեղ կատարված աշխատանքները, ինչպես նաև կնախագծվեն գործակցային հետագա ծրագրերը։