Իրադարձություններ

Ս.թ. հոկտեմբերի 28-ին՝ ժամը 9:00-ին, ԵՊՀ ինֆորմատիկայի և կիրառական մաթեմատիկայի ֆակուլտետի համակարգչային սրահում անցկացվելու է ԵՊՀ ծրագրավորման թիմային բաց օլիմպիադա:

Ս.թ. հոկտեմբերի 26-ին և 27-ին՝ ժամը 11:00-ին, ԵՊՀ գիտխորհրդի նիստերի դահլիճում կանցկացվի «Ռուսերենը Հայաստանում. մարտահրավերներ և հեռանկարներ» խորագրով միջազգային գիտագործնական գիտաժողովը, որը նվիրված է ԱՊՀ երկրներում Ռուսաց լեզվի տարվան և Երևանի պետական համալսարանի ռուսական կենտրոնի հիմնադրման 15-ամյակին։

Ս.թ. հոկտեմբերի 26-ին՝ ժամը 14:30-ին, ԵՊՀ կենսաբանության ֆակուլտետի 307 լսարանում Օրեգոնի առողջության և գիտության համալսարանի (ԱՄՆ) պրոֆեսոր Ա. Մալոյանը դասախոսություն կկարդա «Առողջության և հիվանդության զարգացման հիմնական սկզբնաղբյուրները» թեմայով:

Ս.թ. հոկտեմբերի 26-ին՝ ժամը 10:00-ին, ԵՊՀ եվրոպական ուսումնասիրությունների կենտրոնի նիստերի դահլիճում «DEvision-իրական և վիրտուալ միջավայրերի թվային միացում» (APPEAR «DEvision-Digitally Connecting Real and Virtual Environments») նախագծի շրջանակում կանցկացվի «Թվային երկիր. կամրջելով իրական և վիրտուալ աշխարհները» խորագրով գիտաժողովը:

«Հայաստանի տեխնոլոգիական ապագա» նախաձեռնության շրջանակում ս.թ. հոկտեմբերի 25-ին՝ ժամը 14։00-ին, ԵՊՀ ՍԹԵՄ դպրոցի 208 լսարանում «ԳիտՍԵՐունդ» նախագծի համակարգող Արթուր Խալաթյանը կներկայացնի «STEM կրթության բարելավման նոր մեթոդաբանության կիրառում անդամ համալսարաններին կից դպրոցներում» ծրագրի նպատակներն ու կիրառման մեխանիզմները։

Ս.թ. հոկտեմբերի 19-21-ը՝ ժամը 11:00-ին, ԵՊՀ Պալեանների անվան դահլիճում կանցկացվի «Ակադեմիական ազատությունը ներսում և դրսում. հասարակական և հումանիտար գիտությունները աշխարհաքաղաքական ճգնաժամի պայմաններում» խորագրով միջազգային գիտաժողովը:

Ս.թ. սեպտեմբերի 20-ից հոկտեմբերի 20-ը ներքին դրամաշնորհի շրջանակում Համբուրգի տեխնոլոգիական համալսարանի հրավիրյալ պրոֆեսոր Կարապետ Անդրանիկյանը ԵՊՀ կենսաբանության ֆակուլտետում դասավանդելու է «Կիրառական մանրէաբանություն» և «Մանրէաբանություն և կենսատեխնոլոգիա» կրթական ծրագրերի «Հիմնարար հետազոտությունից մինչև արդյունաբերություն. պրակտիկա և հեռանկարներ» առարկան:

Ս.թ. հոկտեմբերի 18-ին՝ ժամը 9:30-ին, ԵՊՀ եվրոպական լեզուների և հաղորդակցության ֆակուլտետի Ե. Չարենցի անվան դահլիճում տեղի կունենա միջոցառում, որի նպատակն է ֆակուլտետի՝ ֆրանսերեն ուսումնասիրող ուսանողներին ծանոթացնել ֆրանսիական գրականությանը հենց լեզվակիրների միջոցով:

Ս.թ. հոկտեմբերի 17-ին՝ ժամը 14:30-ին, ԵՊՀ կենսաբանության ֆակուլտետում «Ի՞նչ կարելի է անել մեկ սպիտակուցով, ի՞նչ կարելի է անել կաթնաթթվային բակտերիաներով» խորագրով դասախոսություն կկարդա Նանտի գյուղատնտեսական հետազոտությունների ազգային ինստիտուտի (Ֆրանսիա) կենսապոլիմերների լաբորատորիայի պրոֆեսոր Թոմաս Հերթլեն:

Ս.թ. հոկտեմբերի 16-ին՝ ժամը 14:00-ին, ԵՊՀ գիտական խորհրդի նիստերի դահլիճում տեղի կունենա Արևելագիտության ֆակուլտետի արաբագիտության ամբիոնի պրոֆեսոր, բ.գ.թ., ՀՀ արտակարգ և լիազոր դեսպան Դավիթ Հովհաննիսյանի 70-ամյակին նվիրված գիտխորհրդի ընդլայնված նիստ: