Իրադարձություններ

Ս․թ․ հուլիսի 10-ին՝ ժամը 14։00-ին, ԵՊՀ եվրոպական ուսումնասիրությունների կենտրոնի Ռոբերտ Շումանի անվան սրահում կմեկնարկի «Ապաստանը և մարդու իրավունքները» խորագրով առցանց դասընթացների շարքը։

Ս.թ. հուլիսի 7-ին՝ ժամը 15:00-ին, ԵՊՀ ֆիզիկայի ինստիտուտի ֆոտոնիկայի և արհեստական բանականության լաբորատորիայում կանցկացվի ամառային դպրոցի փակման արարողությունը:

Ս.թ. հուլիսի 7-ին՝ ժամը 11:00-ին, ԵՊՀ Ծաղկաձորի ուսումնաարտադրական բազայում կանցկացվի «Մշակութային դիվանագիտություն» խորագրով աշխատաժողով, որի նպատակն է խթանել գիտական գործակցությունների ամրապնդումը:

Ս.թ. հունիսի 22-ին, 26-ին, 29-ին և հուլիսի 4-ին, 6-ին՝ ժամը 10:00-13:00-ն, ԵՊՀ կենտրոնական մասնաշենքում կանցկացվի ԵՊՀ շարունակական կրթության կենտրոնի նախաձեռնությամբ իրականացվող «Բնագիտությունը զվարճալի՜ է. տե՛ս, շոշափի՛ր, փորձի՛ր» ուսումնական ծրագիրը։

Ս.թ. հուլիսի 6-ին՝ ժամը 11:00-ին, ԵՊՀ իրավագիտության ֆակուլտետի դատական նիստերի դահլիճում տեղի կունենա Իրավաբանական կլինիկայի շրջանավարտների ավարտական վկայագրերի հանձնման արարողությունը:

Ս.թ. հուլիսի 4-ին՝ ժամը 15:00-ին, ԵՊՀ ISTC ինովացիոն կենտրոնի դահլիճում ԵՊՀ շարունակական կրթության կենտրոնի և «Դի-Վի-Վի Ինթերնեյշնալի» հայաստանյան գրասենյակի համագործակցության շրջանակում կանցկացվի «Մեծահասակների ուսումնառության և կրթության հիմունքներ․ դասավանդման մեթոդաբանություն» խորագրով դասընթացը:

Ս.թ. հուլիսի 4-ին՝ ժամը 11:00-ին, ԵՊՀ կենսաբանության ֆակուլտետի 307 լսարանում «Ֆերմենտային պատրաստուկների ստացման տեխնոլոգիաները և դրանց օգտագործումը բժշկության մեջ» թեմայով դասախոսություն կկարդա Բելառուսի ԳԱԱ մանրէաբանության ինստիտուտի փոխտնօրեն Տատյանա Վլադիմիրի Սեմաշկոն:

Ս.թ. հուլիսի 3-ին՝ ժամը 10:00-ին, ԵՊՀ ֆիզիկայի ինստիտուտի կոնֆերենց դահլիճում կանցկացվի «Մաթեմատիկան Հայաստանում․ ձեռքբերումներ և հեռանկարներ» խորագրով միջազգային գիտաժողով:

Ս.թ. հունիսի 30-ին՝ ժամը 14:00-ին, ԵՊՀ 6-րդ մասնաշենքում ԵՊՀ շարունակական կրթության կենտրոնի նախաձեռնությամբ կանցկացվի «Ժամանակակից տնտեսագիտական սոցիոլոգիա» թեմայով դասընթաց:

Ս. թ. հունիսի 28-ին՝ ժամը 13:00-ին, ԵՊՀ ֆիզիկայի ինստիտուտի կոնֆերենց դահլիճում տեղի կունենա սեմինար-քննարկում, որի ընթացքում Պրահայի քիմիական տեխնոլոգիաների համալսարանի պրոֆեսոր Դյուշան Կոպեսկին հանդես կգա «Նանոկառուցվածքային հաղորդիչ պոլիմերները՝ որպես սենսորներ և էլեկտրամագնիսական վահաններ կիրառման համար» թեմայով զեկուցմամբ: