Ուսումնական գործընթացի ապահովման բաժին

Ուսումնական գործընթացի ապահովման բաժինը ստեղծվել է 2007թ-ին Տեղեկատվական տեխնոլոգիաների կրթական և հետազոտական կենտրոնի կազմում՝ ԵՊՀ բոլոր ֆակուլտետների բակալավրիատում (առկա և հեռակա ուսուցում) որոշ ֆակուլտետների մագիստրատուրայում համակարգչային ապահովման, ինչպես նաև ԵՊՀ ուսանողներին տեղեկատվական տեխնոլոգիաների բնագավառում անհրաժեշտ գիտելիքներ փոխանցելու անհրաժեշտությունից ելնելով:

Բաժինը իրականացնում է գործունեության հետևյալ տեսակները.

ԵՊՀ բոլոր ֆակուլտետների բակալավրիատում (առկա և հեռակա ուսուցում) դասավանդվում է «Տեղեկատվական տեխնոլոգիաների կիրառման հիմունքներ» համահամալսարանական առարկան: Մշակվել և խմբագրվել են առարկայի տեսական և գործնական նյութերը, յուրաքանչյուր դասի յուրացման և ստուգողական աշխատանքները, թեմայի ամփոփիչ առաջադրանքները և տեղադրվել են համալսարանի e-learning հարթակում։ Դասերն անցկացվում են կենտրոնի տարբեր ֆակուլտետներում գործող համակարգչային լսարաններում։
ԵՊՀ որոշ ֆակուլտետների մագիստրատուրայի համար (առկա և հեռակա ուսուցում) «Տեղեկատվական տեխնոլոգիաները մասնագիտության ոլորտում» առարկայի համար մշակվել են բոլոր դասախոսությունները, գործնական և ամփոփիչ առաջադրանքները` հաշվի առնելով տվյալ մասնագիտության առանձնահատկությունները և տեղադրվել են համալսարանի e-learning հարթակում։
Մշակվել են բակալավրիատի և մագիստրատուրայի ստուգարքային թեստերի կառուցվածքը և գնահատման չափանիշները։ Թեստերի հարցերն ընտրվել են հարցերի բանկից (800-ից ավելի հարց)։
Բաժնի աշխատակիցների կողմից մշակվել և խմբագրվել են ՀՀ բուհերի և արտերկրի ասպիրանտուրայի (առկա և հեռակա ուսուցման) ընդունելության նախապատրաստական դասընթացի ծրագիրը, գործնական և ամփոփիչ առաջադրանքների ձեռնարկը, քննության թեստերը, որոնց հիման վրա անցկացվել են նախապատրաստական դասընթացները և ընդունելության քննությունը:
ՏՏԿՀ կենտրոնի համակարգչային լսարաններում անցկացվում են ԵՊՀ համահամալսարանական առարկաների /Էկոլոգիայի հիմունքներ, Քաղաքացիական պաշտպանություն, Առաջին բժշկական օգնություն/ միջանկյալ և հանրագումարային ստուգարքները, ինչպես նաև այլ ֆակուլտետների մասնագիտական դասընթացների ընթացիկ և ամփոփիչ քննությունները: