Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. Սահմանել պարսկերենի պատմության բոլոր փուլերն ըստ դրանց՝ միմյանցից ունեցած հնչյունական, քերականական, բառապաշարային առանձնահատկությունների.
   2. Ճանաչել գրականագիտության ներածության ուսումնասիրության առարկան, ներկայացնել համաշխարհային գրականության պատմության առանձնահատկությունները.
   3. Լուսաբանել Իրանի և հարևան երկրների քաղաքական հարաբերությունները՝ ըստ դրանք ձևավորող համագործակցային և հակամարտածին գործոնների դասակարգման և վերլուծության.
   4. Ներկայացնել ժամանակակից Իրանի էթնիկ-դավանական կազմը և լեզվական քարտեզը, թյուրք-իրանական լեզվական փոխառնչակցությունների պատմական և արդի գոտիները.
   5. Ճանաչել Իրանի աշխարհագրական և պատմամշակութային առանձնահատկությունները, իրանալեզու ժողովուրդների հիմնախնդիրները քաղաքական պատմության և արդի գործընթացների համատեքստում.
   6. Ներկայացնել իրանական մշակույթի, արվեստի և կրոնների տարբեր դրսևորումները՝ ըստ էթնիկ և տարածաշրջանային առանձնահատկությունների.
   7. Ճանաչել իրանական լեզուների համակարգում ցանկացած իրանական լեզվի և բարբառի տեղը, ուսումնասիրվող իրանական լեզվի կամ լեզուների հնչյունական, ձևաբանական և բառապաշարային առանձնահատկությունները.
   8. Սահմանել «իրանական աղբյուրագիտություն» և «իրանական ձեռագրագիտություն» տերմինները՝ որպես գիտակարգային անվանումներ՝ ըստ դրանց ուսումնասիրության առարկաների և խնդիրների.
2. Գործնական մասնագիտական կարողություններ
   1. Տարբերակել ժամանակակից պարսից լեզվի գրական և խոսակցական ձևերի առանձնահատկությունները.
   2. Գնահատել հին, միջին և նոր իրանական լեզուներով ավանդված գրավոր հուշարձանների աղբյուրագիտական արժեքը.
   3. Տարանջատել իրանական լեզուների (քրդերեն, թաթերեն, թալիշերեն, աֆղաներեն) առանձնահատկությունները, մեկնաբանել առնվազն մեկ՝ ոչ իրանական լեզվի (արաբերեն, թուրքերեն) հնչյունական, քերականական և բառային կազմը.
   4. Գնահատել ուսումնասիրվող երկրի պատմության և գրականության պատմության հիմնական փուլերը՝ հին, միջին, նոր և նորագույն շրջանների պարբերացմամբ.
   5. Տարբերակել և վերլուծել քրդերի և թալիշների ծագումնաբանությունը, քրդական և թալիշական քաղաքական մտքի ձևավորումը և հայ-քրդական, հայ-թալիշական լեզվամշակութային ու քաղաքական փոխառնչակցությունները.
   6. Կիրառել ժամանակակից տեղեկատվական տեխնոլոգիաները իրանագիտության տարբեր ոլորտներում.
   7. Վերլուծել էթնիկ-կրոնական միջավայրի ազդեցությունն իրանական կրոնների ձևավորման գործում՝ իրանական կրոններից ավանդված ժառանգության և մերձավորարևելյան մշակութային ու հավատալիքային առանձնահատկությունների վրա դրանց ազդեցության քննության համատեքստում.
   8. Վերլուծել տարածաշրջանի երկրների հետ Իրանի հարաբերությունների վրա ազդող հակամարտածին և համագործակցայնամետ գործոնները՝ հնարավոր զարգացումները կանխատեսելու մեթոդաբանական համատեքստում.
3. Ընդհանրական (փոխանցելի) կարողություններ
   1. Ձևակերպել և լուծել մասնագիտական խնդիրներ, և կիրառել ստացած տեղեկույթը գիտական աշխատանք կատարելու համար.
   2. Իրականացնել մասնագիտական լեզվով աղբյուրների, արդի մշակութային և պատմաքաղաքական խնդիրների ուսումնասիրություն և վերլուծություն.
   3. Պատրաստել գիտական զեկուցումներ, վարել գիտական բանավեճեր, տրամադրել մասնագիտական խորհրդատվություն, կատարել թիմային աշխատանք.
   4. Բանավոր և գրավոր հաղորդակցվել մասնագիտական և մասնագիտությանն առնչվող հանրության տարբեր շրջանակների հետ.