Հայոց պատմություն

Ծրագրի ուսումնական կառուցամասը բաղկացած է ընդհանուր, մասնագիտական և մասնագիտացման դասընթացների կրթամասերից։ Վերջինս պարունակում է ինչպես պարտադիր, այնպես էլ կամընտրական դասընթացներ։ Ընդհանուր կրթամասը ծառայում է մագիստրոսի որակավորման աստիճանի ընդհանուր հենքի (ընդհանրական գիտելիքներ և կարողություններ) ապահովմանը կամ համալրմանը, մասնագիտական կրթամասը կոչված է տվյալ մասնագիտության շրջանակում ապահովելու պահանջվող ընդհանուր գիտելիքներն ու կարողությունները, իսկ մասնագիտացման կրթամասը ծրագրի անհատականացված ուսուցման մասն է, որը նախատեսված է զարգացնելու խորացված գիտելիքներ, կարողություններ և հմտություններ մասնագիտության որևէ նեղ ասպարեզում։

Ընդունելության պահանջները

Ընդունելության անցկացման ձևաչափը՝ բանավոր:

Հարցաշարը՝ «Ընդունելություն» բաժնում:

Ծրագրի նպատակը

«Հայոց պատմություն» մագիստրոսական կրթական ծրագրի նպատակն է ուսանողներին տրամադրել խոր, համակարգված և համակողմանի գիտելիքներ հայոց պատմության բոլոր ժամանակաշրջանների առանցքային հիմնախնդիրների վերաբերյալ:

Առավելությունները

Ծրագրի ավարտին ուսանողն ունակ կլինի վերլուծելու և մեկնաբանելու հայոց պատմության վիճահարույց իրադարձությունները և կատարել ինքնուրույն եզրահանգումներ, զարգացնելու մասնագիտական կարողություններ և հմտություններ հայոց պատմության ոլորտում հետազոտություններ կատարելու նպատակով, կիրառելու միջգիտակարգային մոտեցման մեթոդաբանական առանձնահատկությունները, ինչը հնարավորություն կտա հայագիտության համակարգի մասնավոր գիտակարգերի հենքային գիտելիքներից անցում կատարելու համակարգային գիտելիքների ասպարեզ:

Ուսանողներն ուսումնական պրակտիկա են անցնում հետևյալ վայրերում՝ Մեսրոպ Մաշտոցի անվան հին ձեռագրերի ինստիտուտ. Մատենադարան, Հայաստանի ազգային արխիվ:

Կարիերայի հնարավորությունները

Շրջանավարտները հնարավորություն ունեն կրթությունը շարունակելու հայոց պատմությանն առնչվող մասնագիտություններով ասպիրանտուրայում: