ԵՊՀ պատմության ֆակուլտետ (ք. Երևան, Աբովյան 52, ԵՊՀ 6-րդ մասնաշենք, 3-րդ հարկ, 313 սենյակ)
Ուրբաթ, մարտ 15, 2024
Ս.թ. մարտի 15-ին՝ ժամը 14։30-ին, ԵՊՀ պատմության ֆակուլտետում տեղի կունենա Հայաստանի հարակից երկրների պատմության ամբիոնի ընդլայնված գիտական սեմինարը։ Սեմինար-քննարկումների շրջանակում ՀՀ ԳԱԱ արևելագիտության ինստիտուտի միջազգային հարաբերությունների բաժնի գիտաշխատող, պ.գ.թ. Մուշեղ Ղահրիյանը կներկայացնի դասախոսություն «Հարկադրանքի դիվանագիտություն․ տեսություն և կիրառությունը Մերձավոր Արևելքում և Հարավային Կովկասում» թեմայով։
Դասախոսությանը ներկա կլինեն ԵՊՀ պատմության ֆակուլտետի պրոֆեսորադասախոսական կազմի ներկայացուցիչներ, «Կովկասագիտություն» մասնագիտության ուսանողներ և թեմայով հետաքրքրված այլ անձինք։
