1. Ընդհանրական կարողություններ
Դասավանդման/մանկավարժական
· մասնագիտական մանկավարժական գիտելիքների և հմտություննների լիարժեք տիրապետում, նյութի պարզ և հասկանալի մատուցում, դասավանդման գործընթացում նորարական և ինտերակ­տիվ մեթոդների կիրառում,
· դասընթացի կրթական վերջնարդյունքների, նպատակների և խնդիրների հստակ գիտակցման ու պարզաբանման կարողություն,
· ուսանողների հետ հաղորդակցման ունակություն, մասնագիտական հմտու­թյունների, վերլուծական մտածողության և ինքնուրույնության զարգացում,
· ուսանողների ակտիվության խրախուսման և մոտիվացման կարողություն,
· առարկայական ծրագրեր, մեթոդական ձեռնարկներ, հավելյալ օժանդակ նյութեր մշակելու հմտություն­ներ և ըստ ուսումնական գործընթացի ժամանակացույցի՝ դրանք իրականաց­նելու պատասխանատվություն:
Հետազոտական
· մասնագիտական հարակից ոլորտներում հետազոտական աշխատանքներ կատարելու հմտություններ (տպագր­ված հոդվածներ, միջազգային գիտաժողովներում զեկույցներ, դրամաշնորհներ),
· հետազոտական մեթոդների իմացություն, գիտական նորույթների վերաբեր­յալ տեղեկատվության հավաքում և վերլուծում, հետազոտական աշխատանքի արդյունքի և արդիականության կանխատեսում, ստացված արդյունքների օգ­տա­գոր­ծում ուսումնական գործընթացում, ուսանողների ներգրավում գիտա­հետազո­տական աշխատանքներում,
· մասնագիտական հարակից ոլորտներում ավարտական աշխատանքներ, մագիստրո­սա­կան թեզեր, ուսանողական գիտական աշխատանքներ և ատենախոսական աշխա­տանք­ներ ղեկավարելու կարողություններ,
· ուսանողների վերլուծական կարողությունները զարգացնելու, փաստերն ու իրողությունները ընդհանրացնելու, երևույթները համակողմանիորեն գնահատելու և տեսական եզրակացություններ կատարելու հմտություններ,
· մագիստրանտներին մասնագիտական նոր մոտեցումներին ու մարտահրավերներին համապատասխան հետազոտական աշխատանքի մղելու փորձառություն,
· այլ երկրների գիտնականների հետ ընդհանուր հետազոտական նախագծեր մշակելու և իրականացնելու ներուժի առկայություն:
Հաղորդակցման
· մագիստրանտների հետ համագործակցելու և ազատ ստեղծագործական մթնոլորտ ստեղծելու հմտություններ,
· հայերենի գերազանց իմացություն, հստակ բանավոր և գրավոր խոսքի, առնվազն մեկ օտար լեզվի տիրապետում,
· հաղոր­դակցման հմտությունների տիրապետում, միջանձնային հաղորդակցման մեթոդների կիրառում,
· թիմում աշխատելու, որոշումներ կայացնելու կարողություններ, նախագծեր, ծրագրեր մշակելու համար անհրաժեշտ գիտելիքներ, հաղորդակցման տարբեր իրավիճակներում համապատասխան որոշումներ կայացնելու ունակություն:
ՏՀՏ կիրառություն
· բազային համակարգչային գիտելիքներ և տեխնոլոգիաներից օգտվելու հմտություններ,
· նորագույն տեղեկատվական և տեխնոլոգիական գիտելիքներ, գիտակրթական հետազոտություններ կատարելու և փոխանցելու կարողություններ:
Այլ կարողություններ
· անհրաժեշտ ռեսուրսները գնահատելու և ծրագրերը արդյունավետորեն իրականացնելու կարողություն,
· ժամանակային ռեսուրսների ծրագրման և կառավարման կարողություն:
2. Մասնագիտական կարողություններ
· իրազեկվածություն մասնագիտական արդի հիմնախնդիրներին, ձեռքբերումներին, նորագույն մոտեցումներին և տարածաշրջանային գործընթացների ուսումնասիրման ժամանակակից եղանակներին,
· համագործակցություն օտարերկրյա բուհերի «Աստվածաբանության» և հարակից մասնագիտական ստորաբաժանումների պրոֆեսորադասախոսական անձնակազմի հետ (համատեղ գիտական հոդվածներ, ուսումնական ձեռնարկներ, դասագրքեր),
· մասնագիտական ոլորտում նոր գաղափարների, մտահղացումների մշակում՝ հետազոտական աշխատանքներ իրականացնելու և դրանց ներդնելու, ինչպես նաև նոր համագործակցություններ հաստատելու ուղղությամբ,
· մասնագիտական գործունեության ոլորտում օգտագործվող մեթոդների իմացություն, հայթայթված տեղեկատվության վերլուծման, եզրահանգման և մեկնաբանման հմտություն։
3. Ընդհանուր պահանջներ
Գիտական աստիճան
· մասնագիտական և հարակից ոլորտներում գիտական աստիճանի առկայություն կամ դասավանդման փորձի բացակայության դեպքում՝ այդ ոլորտում առնվազն 3 տարվա աշխատանքային փորձ:
Մանկավարժական փորձ
· առնվազն 2 տարվա մանկավարժական փորձ (ասպիրանտական տարիներին հատկացված դասաժամեր կամ գործնական աշխատանքների դասավանդման) կամ առնվազն 3 տարվա պասիվ պրակտիկ գործունեություն,
· վերջին 5 տարվա ընթացքում մասնակցություն տեղական կամ միջազգային վերապատրաստումների և/կամ մասնագիտական որակավորման բարձրացման դասընթացների:
Պրակտիկ աշխատանքի փորձ
· գիտահետազոտական ինստիտուտներում և կենտրոններում, կրթական հաստատու­թյուններում առնվազն 3 տարվա պրակտիկ աշխատանքային փորձ: