Ս.թ. նոյեմբերի 20-ին ԵՊՀ տնտեսագիտության և կառավարման ֆակուլտետի «Ֆինանսներ» կրթական ծրագրի երկրորդ կուրսի ուսանողները «Ֆինանսական ինստիտուտներ և շուկաներ» դասընթացի շրջանակում այցելեցին ՀՀ ֆոնդային բորսա (АМХ) և կենտրոնական դեպոզիտարիա (CDA):
Այցի նախաձեռնողը ֆինանսահաշվային ամբիոնի դասախոս Լուսինե Մինասյանն էր, որը ՀՀ արժեթղթերի շուկայի զարգացման ակունքներում է դեռևս 2001 թ.-ից՝ ակտիվ գործունեություն ծավալելով սկզբում ՀՀ արժեթղթերի շուկայի հանձնաժողովում, ապա՝ ՀՀ ԿԲ արժեթղթերի շուկայի վերահսկողության վարչությունում:
Այցի նպատակն էր ուսանողներին ներկայացնել Հայաստանի ֆոնդային բորսան և դրա կարևորությունը ֆինանսական շուկայում: Ուսանողները ծանոթացան ֆինանսական շուկայի կարևորագույն ենթակառուցվածքներին, այդ թվում՝ դեպոզիտարիայի գործունեությանը, բորսայական առևտրի կազմակերպման և իրականացման գործընթացին, ինչպես նաև ներդրման այլընտրանքային գործիքներին ու գործարքների ձևակերպման առանձնահատկություններին, որոնք բնորոշ են միայն ՀՀ ֆինանսական շուկային:
