«ՏՏ ոլորտի մասնագիտությունների բազմազանությունն ու հնարավորությունները»․ կոնֆերանս ԵՊՀ-ում

Ս․թ․ մարտի 28-ին, ժամը՝ 12:20-ին, ԵՊՀ գիտական խորհրդի նիստերի դահլիճում կանցկացվի կոնֆերանս՝ նվիրված ՏՏ ոլորտի մասնագիտությունների բազմազանությանն ու հնարավորություններին։

ԵՊՀ ինֆորմատիկայի և կիրառական մաթեմատիկայի ֆակուլտետի ուսանողական խորհուրդը, հավատարիմ մնալով ավանդույթ դարձած ծրագրերին, մարտի 28-ը հայտարարում է «IAM Industry Day», որի շրջանակում նախատեսվում է անցկացնել հետևյալ միջոցառումները․

• IT ոլորտի մասնագիտությունների բազմազանությանը և հնարավորություններին նվիրված կոնֆերանս (ժամը 12:00-15:00),
• մեծամասշտաբ էքսպո-ցուցահանդես ՏՏ կազմակերպությունների կողմից․ էքսպոն տեղի կունենա ԵՊՀ կենտրոնական մասնաշենքում (ժամը 14:30-17:00)։

Կոնֆերանսին ներկա կլինեն ճանաչված մասնագետներ և փորձագետներ՝

• «IQ Soft» ընկերության գործադիր տնօրեն և հիմնադիր, ԵՊՀ ԻԿՄ ֆակուլտետի դասախոս Ներսես Խաչատրյանը,
• «SuperAnnotate» ընկերության DevOps մասնագետ և մենեջեր Վաղարշ Կանդիլեանը,
• «Picsart» ակադեմիայի դասախոս Վահե Սահակյանը, 
• «Arminova Technologies» ընկերության գլխավոր տնօրեն և հիմնադիր Ռուբեն Մեսչյանը,
• «YerevaNN» լաբորատորիայի տնօրեն, ԵՊՀ ԻԿՄ ֆակուլտետի դասախոս Հրանտ Խաչատրյանը։