Մայիս 12, 2019 | 10:40
Հասարակություն
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՈՒՀԻՆ՝ «ՄԻՍՍ ՀԱՅԱՍՏԱՆ» ԳԵՂԵՑԿՈՒԹՅԱՆ ՄՐՑՈՒՅԹԻ ՀԱՂԹՈՂ
Մայիսի 11-ին Երևանում անցկացվեց «Ազգային գեղեցկության մրցույթ», որի հաղթող ճանաչվեց 19-ամյա Հայկուհի Մաթևոսյանը: Հայկուհին Երևանից է, սովորում է ԵՊՀ իրավագիտության ֆակուլտետում։
Նա 10 տարի զբաղվել է պրոֆեսիոնալ պարով և հաճախել է երաժշտական դպրոց։ Իր տաղանդներից մեկը համարում է դերասանական արվեստը: Կարծում է, որ ունի տարբերվող արտաքին։
Ավելի վաղ նա ասել է, որ եթե հաղթի այս մրցույթում, ապա բարեգործությամբ կզբաղվի։
Նշենք, որ գեղեցկության մրցույթին մասնակցելու հայտ էին ներկայացրել 400 գեղեցկուհի, որոնցից ընդամենը 20-ն էին մրցույթին մասնակցելու իրավունք ստացել։
Պատրաստեց Անգին Խաչատրյանը
