ԵՊՀ-Ն՝ «STARMUS»-Ի ՊԱՇՏՈՆԱԿԱՆ ԳՈՐԾԸՆԿԵՐ․ ԿՆՔՎԵԼ Է ՓՈԽԸՄԲՌՆՄԱՆ ՀՈՒՇԱԳԻՐ

«Starmus»-ը գիտական հաղորդակցության և արվեստի համաշխարհային փառատոն է, որը համախմբում է աշխարհի հետաքրքիր ու նորարար գաղափարները: Գիտական փառատոնն այս տարի անցկացվելու է սեպտեմբերի 5-10-ը Հայաստանում և կրելու է «Starmus festival VI. 50 տարի Մարսի վրա» խորագիրը:

Փառատոնի շրջանակում Հայաստան են այցելելու հանրահայտ գիտնականներ, արվեստագետներ, երաժիշտներ, այդ թվում՝ 8 Նոբելյան մրցանակակիրներ:

Ըստ այսօր կնքված հուշագրի՝ ԵՊՀ-ն լինելու է «Starmus»-ի գործընկերը՝ աջակցելով նախագծի լիարժեք իրականացմանը, իսկ «Starmus»-ն էլ իր հերթին ապահովելու է ԵՊՀ-ում հինգ բանախոսությունների անցկացում, այդ թվում՝ 3 Նոբելյան մրցանակակիրների։