Սեպտեմբեր 14, 2021 | 16:30
Կրթություն
ԵՊՀ ՖԻԶԻԿԱՅԻ ՖԱԿՈՒԼՏԵՏԻ ԴԵԿԱՆՆ ԱՅՑԵԼԵԼ Է ԵՐԵՎԱՆԻ ԹԻՎ 198 ԱՎԱԳ ԴՊՐՈՑ
ԵՊՀ մինչհամալսարանական կրթության վարչության դիմորդների հետ տարվող աշխատանքների բաժինն այսօր մասնագիտական կողմնորոշման նպատակով այց է կազմակերպել Երևանի թիվ 198 ավագ դպրոց։
ԵՊՀ ֆիզիկայի ֆակուլտետի դեկան Ռաֆիկ Հակոբյանն այցելել է դպրոց ու դասախոսություն կարդացել 10-րդ և 11-րդ դասարանների աշակերտների համար։
«Ֆիզիկայի ժամանակակից պրոբլեմները» թեմայով դասախոսության ժամանակ նա անդրադարձել է այն խնդիրներին, որոնք այսօր ծառացել են ոլորտի առջև։
Ռ․ Հակոբյանը նախանշել է տարբերակներ, որոնցով հնարավոր կլինի լուծել այդ խնդիրները։ Դեկանը խոսել է նաև ֆիզիկայի արդիականության ու կարևորության մասին, ներկայացրել ոլորտում առկա նորությունները։
Թեմատիկ զրույցից հետո Ռաֆիկ Հակոբյանը պատասխանել է աշակերտներին հետաքրքրող հարցերին։
