«Էրազմուս+» միջազգային կրեդիտային շարժունություն Երևանի պետական համալսարանի և Զալցբուրգի համալսարանի միջև

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Զալցբուրգի համալսարանի միջև կնքված պայմանագրով նախատեսվում են շարժունություններ Արևելագիտության ֆակուլտետի արաբագիտության ամբիոնի ասպիրանտների համար՝ 2024/2025 ուստարվա 1-ին կիսամյակում 3 ամիս ժամկետով հետազոտական աշխատանքներ կատարելու նպատակով: 

Ասպիրանտի հետազոտական թեման պետք է ընդգրկի հետևյալ ոլորտներից մեկը՝ դասական արաբերեն և գրականություն, միջնադարյան արաբական ձեռագրեր, արաբական գրականության թարգմանություն:

Անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում։

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am): 

Նամակի վերնագրի դաշտում անհրաժեշտ է նշել Erasmus+, Salzburg:

Դիմումների ընդունման վերջնաժամկետն է ս․թ. մայիսի 15-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն, PDF տարբերակով)՝

1. անձնագրի պատճեն, 

2. ինքնակենսագրական (CV) «Europass» ձևաչափով, 

3. մոտիվացիոն նամակ, 

4. դիպլոմի պատճեն,

5. տեղեկանք ԵՊՀ-ում ուսանելու վերաբերյալ,

6. ուսումնառության համաձայնագիր/հետազոտական պլան (Learning Agreement for Studies)։