Իրադարձություններ

Ս.թ. նոյեմբերի 6-10 անցկացվելու է ԵՊՀ ՈՒԳԸ միջազգային երիտասարդական 9-րդ գիտաժողովը՝ նվիրված Հայաստանի առաջին հանրապետության հիմնադրման 105-ամյակին:

Ս.թ. նոյեմբերի 9-ին՝ ժամը 8:15-17:00-ն, Իջևանում ԵՊՀ շրջանավարտների և կարիերայի կենտրոնի նախաձեռնությամբ ԵՊՀ Իջևանի մասնաճյուղի ուսանողների համար կիրականացվի կարիերայի խթանման ծրագիր, որի շրջանակում կենտրոնի աշխատակիցները ուսանողներին կներկայացնեն կենտրոնի գործունեությունը։

Ս.թ. նոյեմբերի 9-ին՝ ժամը 14:30-ին, ԵՊՀ կենսաբանության ֆակուլտետի 201 լսարանում «Ենթաստամոքսային գեղձի քաղցկեղի հետազոտության ու բուժման մարտահրավերները։ Տարածքային գենոմիքսի տեխնիկան՝ որպես վստահելի մեթոդ ենթաստամոքսային գեղձի կոլոիդ կարցինոմայի կառուցվածքի ու միկրոշրջապատի ուսումնասիրման համար» թեմայով դասախոսություն կկարդա հրավիրյալ դասախոս Լուսինե Դեմիրխանյանը:

ԵՊՀ շրջանավարտների և կարիերայի կենտրոնի ու «Դասավանդի՛ր, Հայաստան» կրթական հիմնադրամի համագործակցությամբ ս.թ. նոյեմբերի 7-9-ը ԵՊՀ-ում կանցկացվեն «Դասավանդի՛ր, Հայաստան»-ի օրերը։

Ս.թ. նոյեմբերի 9-ին՝ ժամը 11:00-ին, ԵՊՀ հայ բանասիրության ֆակուլտետի դահլիճում (ԵՊՀ 8-րդ մասնաշենք) տեղի կունենա ակադեմիկոս Էդվարդ Ջրբաշյանի 100-ամյակին նվիրված գիտաժողով:

Ս.թ. նոյեմբերի 8-ին՝ ժամը 14:15-ին, «Դասավանդի՛ր, Հայաստան»-ի օրերի շրջանակում ԵՊՀ ՈՒԳԸ և ԵՊՀ շրջանավարտների և կարիերայի կենտրոնի նախաձեռնությամբ կանցկացվի «Երեք ընկեր, մեկ նպատակ» խորագրով պանելային քննարկումը:

Ս.թ. նոյեմբերի 8-ին՝ ժամը 12:00-ին, ԵՊՀ շրջանավարտների և կարիերայի կենտրոնի և «Իրազեկ քաղաքացիների միավորում» հասարակական կազմակերպության համագործակցության շրջանակում ԵՊՀ իրավագիտության և միջազգային հարաբերությունների ֆակուլտետների ուսանողները կայցելեն ՀՀ կենտրոնական ընտրական հանձնաժողով:

Ս.թ. նոյեմբերի 7-ին՝ ժամը 16:00-ին, ԵՊՀ ՈՒԳԸ միջազգային երիտասարդական 9-րդ գիտաժողովի շրջանակում կկազմակերպվի գիտաճանաչողական այց Հայաստանի պատմության թանգարան:

Ս.թ. նոյեմբերի 7-ին՝ ժամը 14:30-ին, ԵՊՀ Ռոբերտ Շումանի անվան սրահում Շրջանավարտների և կարիերայի կենտրոնի և «Align Technology» բժշկական սարքերի համաշխարհային ընկերության համագործակցության շրջանակում ԵՊՀ ուսանողների համար կանցկացվի հանդիպում ընկերության ներկայացուցիչների հետ։

Ս.թ. նոյեմբերի 7-ին՝ ժամը 12:00-ին, ԵՊՀ գիտական խորհրդի դահլիճում տեղի կունենա «Ղազախական ժողովրդական հեքիաթներ» գրքի շնորհանդեսը: