Իրադարձություններ

«Հայաստանի տեխնոլոգիական ապագա» նախաձեռնության շրջանակում ս.թ. հոկտեմբերի 25-ին՝ ժամը 14։00-ին, ԵՊՀ ՍԹԵՄ դպրոցի 208 լսարանում «ԳիտՍԵՐունդ» նախագծի համակարգող Արթուր Խալաթյանը կներկայացնի «STEM կրթության բարելավման նոր մեթոդաբանության կիրառում անդամ համալսարաններին կից դպրոցներում» ծրագրի նպատակներն ու կիրառման մեխանիզմները։

Ս.թ. հոկտեմբերի 19-21-ը՝ ժամը 11:00-ին, ԵՊՀ Պալեանների անվան դահլիճում կանցկացվի «Ակադեմիական ազատությունը ներսում և դրսում. հասարակական և հումանիտար գիտությունները աշխարհաքաղաքական ճգնաժամի պայմաններում» խորագրով միջազգային գիտաժողովը:

Ս.թ. սեպտեմբերի 20-ից հոկտեմբերի 20-ը ներքին դրամաշնորհի շրջանակում Համբուրգի տեխնոլոգիական համալսարանի հրավիրյալ պրոֆեսոր Կարապետ Անդրանիկյանը ԵՊՀ կենսաբանության ֆակուլտետում դասավանդելու է «Կիրառական մանրէաբանություն» և «Մանրէաբանություն և կենսատեխնոլոգիա» կրթական ծրագրերի «Հիմնարար հետազոտությունից մինչև արդյունաբերություն. պրակտիկա և հեռանկարներ» առարկան:

Ս.թ. հոկտեմբերի 18-ին՝ ժամը 9:30-ին, ԵՊՀ եվրոպական լեզուների և հաղորդակցության ֆակուլտետի Ե. Չարենցի անվան դահլիճում տեղի կունենա միջոցառում, որի նպատակն է ֆակուլտետի՝ ֆրանսերեն ուսումնասիրող ուսանողներին ծանոթացնել ֆրանսիական գրականությանը հենց լեզվակիրների միջոցով:

Ս.թ. հոկտեմբերի 17-ին՝ ժամը 14:30-ին, ԵՊՀ կենսաբանության ֆակուլտետում «Ի՞նչ կարելի է անել մեկ սպիտակուցով, ի՞նչ կարելի է անել կաթնաթթվային բակտերիաներով» խորագրով դասախոսություն կկարդա Նանտի գյուղատնտեսական հետազոտությունների ազգային ինստիտուտի (Ֆրանսիա) կենսապոլիմերների լաբորատորիայի պրոֆեսոր Թոմաս Հերթլեն:

Ս.թ. հոկտեմբերի 16-ին՝ ժամը 14:00-ին, ԵՊՀ գիտական խորհրդի նիստերի դահլիճում տեղի կունենա Արևելագիտության ֆակուլտետի արաբագիտության ամբիոնի պրոֆեսոր, բ.գ.թ., ՀՀ արտակարգ և լիազոր դեսպան Դավիթ Հովհաննիսյանի 70-ամյակին նվիրված գիտխորհրդի ընդլայնված նիստ:

Ս.թ. հոկտեմբերի 16-ին՝ ժամը 14:30-ին, ԵՊՀ եվրոպական լեզուների և հաղորդակցության ֆակուլտետի 507 լսարանում տեղի կունենա տեղեկատվական հանդիպում:

Ս.թ. հոկտեմբերի 13-15-ը՝ ժամը 10:00-ին, ԵՊՀ գիտխորհրդի նիստերի դահլիճում կանցկացվի «Տեսական և կիրառական հոգեբանության արդի հիմնախնդիրները» խորագրով միջազգային IX գիտաժողովը:

Ս.թ. հոկտեմբերի 6-ին՝ ժամը 13:00-ին, ԵՊՀ ՏՏԿՀ կենտրոնի 506 լսարանում Պորտոյի համալսարանի (Պորտուգալիա) ճարտարագիտության ֆակուլտետի պրոֆեսոր Պեդրո Դինիզը դասախոսություն կկարդա կոմպիլյատորների կառուցման հիմնահարցերի թեմայով:

Մյունխենի համալսարանի պատմության ու արվեստի ֆակուլտետի Ռուսաստանի և Ասիայի պատմության ամբիոնի և Երևանի պետական համալսարանի պատմության ֆակուլտետի համագործակցության շրջանակում կազմակերպվում է «Ենթակառուցվածքները Կովկասում 19-րդ դարի սկզբից մինչև ուշ խորհրդային շրջանը» խորագրով միջազգային գիտաժողով, որը տեղի է ունենալու ս.թ. հոկտեմբերի 3-6-ը, ԵՊՀ պատմության ֆակուլտետի դահլիճում։