Իրադարձություններ

Ս.թ. մարտի 25-ին՝ ժամը 14:30-ին, ԵՊՀ կենսաբանության ֆակուլտետում «Էկոլոգիապես անբարենպաստ պայմաններում առաջացած առողջական շեղումների շտկումը ոչ դեղորայքային միջոցներով» թեմայով զեկուցմամբ հանդես կգա Մարդու և կենդանիների ֆիզիոլոգիայի լաբորատորիայի կրտսեր գիտաշխատող Մարիետա Կարապետյանը:

Ս.թ. մարտի 22-ին և 23-ին՝ ժամը 12:30-ին, ԵՊՀ Պալեանների անվան դահլիճում կանցկացվի «Հիդրոօդերևութաբանության և շրջակա միջավայրի մոնիթորինգի արդի հիմնախնդիրները ՀՀ-ում» խորագրով հանրապետական գիտաժողովը:

Ս.թ. մարտի 22-ին՝ ժամը 17։00-ին, ԵՊՀ ֆիզիկայի ինստիտուտի, ինֆորմատիկայի և կիրառական մաթեմատիկայի, մաթեմատիկայի և մեխանիկայի ֆակուլտետների ուսանողները կայցելեն «WorldQuant» կազմակերպություն։

Ս․թ․ մարտի 22-ին՝ ժամը 15։30-ին, ԵՊՀ գիտական խորհրդի նիստերի դահլիճում կանցկացվի «Էրազմուս» Երևանի ուսանողական ցանցի կազմակերպած միջմշակութային երեկոն՝ բազմազանության, միասնության և մշակութային փոխանակման յուրօրինակ միջոցառում:

Ս.թ. մարտի 22-ին՝ ժամը 14:30-ին, ԵՊՀ կենսաբանության ֆակուլտետում «Որոշ դեղաբույսերի հակասնկային ակտիվության գնահատում պոտենցիալ պաթոգեն սնկերի նկատմամբ» թեմայով զեկուցմամբ հանդես կգա Բուսաբանության և սնկաբանության լաբորատորիայի կրտսեր գիտաշխատող Ռուզաննա Ադամյանը:

Ս․թ․ մարտի 22-ին՝ ժամը 13։00-ին, ԵՊՀ ISTC ինովացիոն կենտրոնի կոնֆերանս դահլիճում (ԵՊՀ 7-րդ մասնաշենք, 6-րդ հարկ) կկայանա «Մարաքեշ 2022–Երևան 2023/2024․ մեծահասակների ուսումնառության և կրթության (ՄՈՒԿ) գլոբալ և լոկալ միտումներ» նախագծի ամփոփիչ համաժողովը։

Ս․թ․ մարտի 20-ին և 21-ին՝ ժամը 14։00-ին, Տիգրան Պետրոսյանի անվան շախմատի տանը կանցկացվի ՀՀ ուսանողական մարզական 25-րդ խաղերի՝ շախմատի առաջնությունը (տղաներ և աղջիկներ)։

Ս.թ. մարտի 20-ին և 21-ին՝ ժամը 14:00-ին, ԵՊՀ կենսաբանության ֆակուլտետում կանցկացվի ԵՊՀ կենսաբանության գիտահետազոտական ինստիտուտի տարեկան գիտաժողովը:

Ս․թ․ մարտի 21-ին՝ ժամը 14։30-ին, ԵՊՀ 8-րդ մասնաշենքում կանցկացվի «Հոգեթերապիայի հոգեսոմատիկ խանգարումների խնդիրը․ դուալիզմից մինչև ամբողջական մոտեցում և գեշտալտ թերապևտիկ հեռանկարները» վերտառությամբ սեմինար։

Ս.թ. մարտի 19-ին՝ ժամը 14:30-ին, ԵՊՀ կենսաբանության ֆակուլտետում «Բույսերով միջնորդավորված կայուն նանոմասնիկների կենսասինթեզը. մարտահրավերներ և կանաչ հեռանկարներ» թեմայով զեկուցմամբ հանդես կգա Հիմնարար և ախտաբանական կենսաքիմիայի լաբորատորիայի ավագ լաբորանտ Տաթևիկ Մանուցյանը: