Իրադարձություններ

Ս․թ․ մայիսի 22-ին՝ ժամը 14։00-ին, ԵՊՀ պատմության ֆակուլտետի ընթերցասրահում (318 լսարան) տեղի կունենա հանդիպում Հալլե-Վիտտենբերգի Մարտին Լյութերի անվան համալսարանի աստվածաբանության ֆակուլտետի պրոֆեսորների և ուսանողների հետ։

Ս․թ․ մայիսի 21-ին՝ ժամը՝ 14։15-ին, ԵՊՀ եվրոպական ուսումնասիրությունների կենտրոնի Ռոբերտ Շումանի անվան սրահում ՀՀ ֆինանսների փոխնախարար Էդուարդ Հակոբյանը հանդես կգա «ՀՀ հարկաբյուջետային քաղաքականության ժամանակակից համակարգը և գործիքները» թեմայով բաց դասախոսությամբ։

Ս․թ․ մայիսի 20-ին՝ ժամը 14։30-ին, «YSU-Krisp AI Lab» գիտակրթական հետազոտական կենտրոնում «Ջրային ռեսուրսների կառավարման բարելավում» ծրագրի շրջանակում տեղի կունենա գիտական սեմինար։

Ս․թ․ մայիսի 17-ին՝ ժամը 16։00-ին, ԵՊՀ պատմության ֆակուլտետում տեղի կունենա «Tigranakert.org» կայքէջի շնորհանդեսը։ Կայքը գործարկվելու է ԵՊՀ մշակութաբանության ամբիոնի, «Արցախի Տիգրանակերտ» գիտամշակութային հասարակական կազմակերպության և «Գալուստ Կիւլպէնկեան Հիմնարկութեան» համագործակցության շրջանակում։

Ս.թ. մայիսի 16-ին ԵՊՀ-ում տեղի կունենա «ԲանՈՒԳործ․ ԵՊՀ էքսպո-2024»-ը՝ նվիրված ԵՊՀ հիմնադրման 105-ամյակին։

Ս․թ․ մայիսի 15-ին՝ ժամը 14։30-ին, Երևանի պետական համալսարանում կանցկացվի ՀՀ ուսանողական մարզական 25-րդ խաղերի՝ ֆուտզալի առաջնությունը (տղաներ)։

Ս․թ․ մայիսի 15-ին՝ ժամը 13։00-ին, ԵՊՀ իրավագիտության ֆակուլտետի դատական նիստերի դահլիճում տեղի կունենա դատախաղ՝ Երևանի պետական համալսարանի իրավագիտության ֆակուլտետի իրավաբանական կլինիկայի  ուսանողների և Երևանի №184 ավագ դպրոցի աշակերտների մասնակցությամբ։

Ս․թ․ մայիսի 13-ին՝ ժամը 09։30-ին, ԵՊՀ գիտխորհրդի նիստերի դահլիճում տեղի կունենա «Հետադարձ հայացք գցելով և շարժվելով առաջ․ ԵՄ-ն և ժողովրդավարության աջակցությունը մասնատված և խնդրահարույց հարևանությունում» խորագրով միջազգային գիտաժողով։

Ս․թ․ մայիսի 13-ին՝ ժամը 10։00-ին, ԵՊՀ Պալեանների անվան դահլիճում տեղի կունենա «Ֆիրդուսիի «Շահնամե»-ն և պարսից լեզուն» թեմայով գիտաժողով։

Ս․թ․ մայիսի 9-11-ը ԵՊՀ Ծաղկաձորի ուսումնաարտադրական բազայում կանցկացվի «ԳԵՈ ներգրավում-2024» մասնագիտական ճամբարը։