Ակտուարական և ֆինանսական մաթեմատիկայի ամբիոն

2001 թ. ԵՊՀ-ում ստեղծվել է ակտուարական մաթեմատիկային վերաբերող մագիստրոսական ծրագիր, իսկ 2003 թ. գործարկվել է նաև բակալավրիատական ծրագիր: Ծրագրի նպատակն էր ուսանողներին տալ մաթեմատիկային և ակտուարական գիտությանը հարակից ոլորտների գիտելիքներ ու հմտություններ, որոնք անհրաժեշտ են ակտուարի մասնագիտությանը տիրապետելու և որակավորման քննությունները հանձնելու համար: 2007 թ. ԵՊՀ-ում ստեղծվել է Ակտուարական մաթեմատիկայի ամբիոն: 2009 թվականից ամբիոնն իրականացնում է երեք մագիստրոսական ծրագիր` «Ակտուարական մաթեմատիկա», «Ռիսկերի կառավարում» և «Ֆինանսկան մաթեմատիկա» և մեկ բակալավրիատական ծրագիր՝ «Ֆինանսական մաթեմատիկա»։ Հետագայում ամբիոնը վերանվանվել է Ակտուարական և ֆինանսական մաթեմատիկայի ամբիոն։

Ամբիոնը, կարևորելով կրթական ծրագրերի շրջանավարտների համար (ֆինանսական մաթեմատիկոսներ, ակտուարներ, ռիսկերի կառավարիչներ) աշխատանքի հնարավորությունների սստեղծումը, գործակցային կապեր է հաստատել հավանական գործատուների հետ` ՀՀ կենտրոնական բանկ, ՀՀ ֆինանսների նախարարության, հանրապետության առևտրային բանկեր, ապահովագրական ընկերություններ, ներդրումային հիմնադրամներ, կենսաթոշակային հիմնադրամներ, վարկային և այլ տեսակի ֆինանսական կազմակերպություններ, «Նորք» տեղեկատվական-վերլուծական կենտրոն և այլ կազմակերպություններ։ Ընդ որում, «Ակտուարական և ֆինանսական մաթեմատիկա» մասնագիտության շրջանավարտները պահանջված են ոչ միայն Հայաստանում, այլև աշխարհի տարբեր երկրներում։