Հեռանկարային հետազոտությունների միջազգային կենտրոն

Հեռաուսուցման լաբորատորիան հիմնադրվել է 2005 թ․ սոցիոլոգիայի ֆակուլտետի և Մեծ Բրիտանիայի բաց համալսարանի առողջության և սոցիալական խնամքի ֆակուլտետի արդյունավետ և երկարատև համագործակցության շնորհիվ՝ «TEMPUS» եվրոպական համատեղ ծրագրի շրջանակում:

Հեռաուսուցման լաբորատորիայի առաքելությունն է կրթության մատչելիության և շարունակականության ապահովումը:

2005 թվականից հեռաուսուցման լաբորատորիան մշակում և իրականացնում է հեռաուսուցման և հիբրիդային ուսուցման երկարատև և կարճաժամկետ ծրագրեր հետևյալ մասնագիտություններով և մասնագիտացումներով՝

• Սոցիալական աշխատանք (մեկամյա հեռաուսուցման դասընթաց),
• Սոցիալական մանկավարժություն ( հեռաուսուցման մեկամյա դասընթաց),
• Մարդկային ռեսուրսների կառավարում ( հիբրիդային ուսուցման մեկամյա դասընթաց),
• Հասարակայնության հետ կապեր և մարքեթինգ ( հիբրիդային ուսուցման մեկամյա դասընթաց),
• Հոգեբանություն ( հիբրիդային ուսուցման մեկամյա  դասընթաց)։

Կարճաժամկետ ծրագրերից են՝ «Քոուչինգ», «Մարքեթինգ», «Սթրեսի կառավարում», «Կոնֆլիկտների կառավարում», «Նախագծերի կառավարում», «Ժամանակի կառավարում»։

Լաբորատորիան իրականացնում է նաև կորպորատիվ վերապատրաստումներ: Լաբորատորիայում մասնավորապես վերապատրաստվել են «Վիվա-ՄՏՍ», «Վորլդ Վիժն Հայաստան», «Հայկական Կարիտաս» կազմակերպությունների, «Թուֆենկյան» բարեգործական հիմնադրամի, «Առաքելություն Հայաստան» բարեգործական հասարակական կազմակերպության և այլ շատ կազմակերպությունների աշխատակիցներ:

Լաբորատորիան մշակել և իրականացրել է նաև հեռաուսուցման մեկամյա դասընթացներ (անգլիալեզու) օտարերկրյա ուսանողների համար։