Հեռահաղորդակցություն և ազդանշանների մշակում

Ծրագրի ընդունելության պահանջները

Ընդունելությունը կատարվում է՝ ըստ «ՀՀ պետական և ոչ պետական բարձրագույն ուսումնական հաստատություններ ընդունելության (ըստ բակալավրի ու անընդհատ և ինտեգրված կրթական ծրագրի) կարգի»։

Կրթական ծրագրի դիմորդները ընդունելության քննություններ են հանձնում «Մաթեմատիկա» և «Ֆիզիկա» առարկաներից:

Ծրագրի նպատակն է՝

• պատրաստել հեռահաղորդակցության և ազդանշանների մշակման բնագավառներում որակյալ մասնագետներ՝ ինժեներ-հետազոտողեր,
• ուսանողներին տալ հեռահաղորդակցության և ազդանշանների մշակման ոլորտին վերաբերող հիմնարար գիտելիքներ:

Մրցակցային առավելությունները

«Հեռահաղորդակցություն և ազդանշանների մշակում» կրթական ծրագիրը տարբերվում է համանման ծրագրերից նրանով, որ կիրառական հմտությունների հետ մեկտեղ տրամադրվում են բնագավառին առնչվող տեսական խոր գիտելիքներ՝ վերջնարդյունքում ձևավորելով ինժեներ-հետազոտողեր, որոնց մրցակցայնության աստիճանն ավելի բարձր է, իսկ աշխատաշուկան՝ ավելի լայն։

Կարիերայի հնարավորությունները

Շրջանավարտները հնարավորություն ունեն աշխատելու տեղեկատվության մշակման և հաղորդման, տեխնոլոգիաների նախագծման, ավտոմատացման, շահագործման, տեղեկատվության անվտանգության ոլորտներին առնչվող ձեռնարկություններում (Ucom, Team Telecom, Viva Cell MTS, National Instruments և ՀՀ ՏՏ ոլորտի այլ ձեռնարկություններում և այդ ոլորտի արտասահմանյան ձեռնարկությունների մասնաճյուղերում), բանկային համակարգում, համապատասխան վերապատրաստում անցնելուց հետո՝ տեղեկատվության անվտանգություն պահանջող ընկերություններում (բանկային համակարգ, առցանց ծառայություններ մատուցող կազմակերպություններ և այլն), ՀՀ ԳԱԱ ռադիոֆիզիկայի և էլեկտրոնիկայի, կապի, ֆիզիկական հետազոտությունների ինստիտուտներում: