Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. ներկայացնելու հիմնական կիսահաղորդչային նյութերի տեսակներն ու առանձնահատկությունները, կիսահաղորդչային սարքերում ընթացող ֆիզիկական և քիմիական երևույթների օգտագործման մեթոդները, միկրո- և նանոէլեկտրոնիկայում այդ նյութերի օգտագործման հեռանկարները,
   2. պարզաբանելու ինտեգրալ սխեմաների նախագծման հիմուքները, ընտրելու ինտեգրալ սխեմաների մակարդակները, ստրատեգիաները, գնահատելու ինտեգրալ սխեմաների տնտեսական շահավետությունը, վերլուծելու տարբեր անալոգային սխեմաների պարա-մետրերը,
   3. ձևակերպելու կիսահաղորդչի կողմից Էլեկտրամագնիսական ալիքների կլանման և ճառագայթման մեխանիզմները և առանձնահատկությունները, օպտոէլեկտրոնային զույգի՝ օպտրոնի գործողության սկզբունքը, սպեկտրի տարբեր տիրույթի ֆոտոընդունիչների աշխատանքի սկզբունքը և առանձնահատկությունները, բացատրելու արեգակնային մոդուլի աշխատանքի սկզբունքները,
   4. մեկնաբանելու գազային և կենսաքիմիական սենսորների աշխատանքի ֆիզիկական հիմունքները, պինդմարմնային նյութերի հիման վրա ստեղծվող տվիչների առանձնահատկությունները, կիրառման բնագավառները,
   5. պարզաբանելու պոտենցիալ արգելքներ և քվանտային փոսեր ունեցող միկրոէլեկտրոնային քվանտաչափային կառուցվածքները, քվանտային փոսերով կիսահաղորդչային կառուցվածքի էներգետիկ սպեկտրը,
   6. բացատրելու կիսահաղորդչային կառուցվածքների, չիպի, բազմաչիպ մոդուլների, գերմեծ ինտեգրալ սխեմաների նախագծման առանձնահատկությունները, ժամանակակից ինտեգրալային ՄԴԿ սխեմաների տարատեսակները, սխեմաների մշակման ավտոմատացված նախագծման համակարգչային ծրագրերը,
   7. պարզաբանելու նանոչափային համակարգերի էլեկտրական, մագնիսական, մեխանիկական և օպտիկական հատկությունները, էլեկտրաֆիզիկական, վիճակագրական, էլեկտրական ազդանշանի հզորության, ջերմահեռացման, տեխնոլոգիական բնույթի, միջմիացումների հետ կապված և այլ բնույթի սահմանափակումները, նանոչափային համակարգերում էլեկտրական հոսանքի անցման մեխանիզմները, չափային քվանտացումը, ներկայացնելու նանոկառուցվածքների ստացման տեխնոլոգիական եղանակները, նանոկառուցվածքների կիրառության բնագավառները, ածխածնային և մետաղօքսիդային նանոխողովակների ստացման մեթոդները, նանոխողովակներում ընթացող էլեկտրոնային երևույթները, մոլեկուլային էլեկտրոնիկայի առանձնահատկությունները:
2. Գործնական մասնագիտական կարողություններ
   1. կիրառել կիսահաղորդիչների մակերևույթին, բաժանման սահմանում և ծավալում, ինչպես նաև կիսահաղորդչային սարքերում ընթացող ֆիզիկական և քիմիական երևույթները տարբեր նշանակման միկրո- և նանոէլեկտրոնային սարքերի նախագծման և պատրաստման համար,
   2. իրականացնել ինտեգրալ սխեմաների նախագծում, ինտեգրալ սխեմաների տնտեսական շահավետության գնահատում, տարբեր անալոգային սխեմաների պարամետրերի վերլուծություն,
   3. կիրառել կիսահաղորդչի կողմից Էլեկտրամագնիսական ալիքների կլանման և ճառագայթման մեխանիզմների և առանձնահատկությունների իմացությունը սպեկտրի տարբեր տիրույթի ֆոտոընդունիչների, ճառագայթիչների, օպտրոնի և արեգակնային մոդուլի պարամետրերի վերլուծություն և նախագծման համար,
   4. կիրառել գազային և կենսաքիմիական սենսորների աշխատանքի և պինդմարմնային նյութերի հիման վրա ստեղծվող տվիչների առանձնահատկություններ մասին գիտելիքները դրանց նախագծման և պարամետրերի համակարգչային մոդելավորման համար,
   5. կիրառել կիսահաղորդչային կառուցվածքների, չիպի, բազմաչիպ մոդուլների, գերմեծ ինտեգրալ սխեմաների մասին գիտելիքները ժամանակակից ինտեգրալային ՄԴԿ սխեմաների նախագծման և դրանց ավտոմատացված նախագծման համակարգչային ծրագրերի մշակման համար,
   6. կիրառել պատահական պրոցեսների և ֆլուկտուացիաների մեխանիզմները, կիսահաղոր-դիչներում աղմուկների տեսակները վերլուծելու համար, կիսահաղորդիչներում էլեկտրական հոսանքի ֆլուկտուացիաների առաջացման ֆիզիկական մեխանիզմները և դրանց կապը կիսահաղորդչի ծավալում և կիսահաղորդիչ-սահմանակցող միջավայր բաժանման սահմանի վրա ընթացող պրոցեսները բացահայտելու համար, մշակել կիսահաղորդչային սարքերի պարամետրերի գնահատման աղմկային սպեկտրասկոպիայի մեթոդներ,
   7. օգտագործել նանոչափային համակարգերի էլեկտրական, մագնիսական, մեխանիկական և օպտիկական հատկությունների մասին գիտելիքները էլեկտրաֆիզիկական, վիճակագրական, էլեկտրական ազդանշանի հզորության, ջերմահեռացման, տեխնոլոգիական բնույթի, միջմիացումների հետ կապված և այլ բնույթի սահմանափակումների գնահատման համար, կիրառել չափային քվանտացման առանձնահատկությունները նանոկառուցվածքներում (նանոխողովակներ, մոլեկուլյար անցումներ և այլն) ընթացող էլեկտրոնային երևույթները նկարագրելու և մոդելավորելու համար:
3. Ընդհանրական (փոխանցելի) կարողություններ
   1. տարբեր աղբյուրներից տեղեկատվություն հայթայթելու և վերլուծելու, կիրառելու գիտելիքները գործնական աշխատանքում, ձևակերպելու և լուծելու առանձին խնդրներ,
   2. պատրաստելու գիտական զեկուցումներ, վերլուծելու և ներկայացնելու հետազոտությունների արդյունքները, վարելու գիտական բանավեճեր:
   3. աշխատելու հետազոտական խմբում և ղեկավարելու այն