ՀՀ ուսանողական մարզական 23-րդ խաղերի՝ վոլեյբոլի առաջնությունում ԵՊՀ հավաքական թիմը երկրորդ խաղում գրանցել է հաղթանակ։
ԵՊՀ վոլեյբոլի՝ տղաների թիմը մրցել է Հայաստանի ազգային պոլիտեխնիկական համալսարանի թիմի դեմ: Խաղն ավարտվել է 2:1 հաշվով՝ հօգուտ ԵՊՀ թիմի:
Կիսաեզրափակիչ խաղը տեղի կունենա ս.թ. նոյեմբերի 15-ին: ԵՊՀ վոլեյբոլի՝ տղաների թիմը կմրցի Հայաստանի ֆիզիկական կուլտուրայի և սպորտի պետական ինստիտուտի թիմի դեմ:
Նշենք, որ կիսաեզրափակիչում է նաև ԵՊՀ աղջիկների՝ վոլեյբոլի թիմը, որը ևս ս.թ. նոյեմբերի 15-ին կմրցի Հայաստանի ֆիզիկական կուլտուրայի և սպորտի պետական ինստիտուտի թիմի դեմ:
