ՕՀՀ երկրաբանություն և հետախուզում

Ընդունելության պահանջները

Ընդունելության քննությունն անցկացվում է բանավոր՝ ըստ ընդունելության քննության համար նախատեսված հարցաշարի: Հարցաշարը տեղադրված է «Ընդունելություն» բաժնում:

Ծրագրի նպատակը

Ծրագրի նպատակն է պատրաստել մասնագետներ, որոնք կկարողանան աշխատել օգտակար հանածոների հանքավայրերի որոնման, հետախուզման և արդյունահանման բնագավառում:

Առավելությունները

Ուսանողները մասնագիտական պրակտիկա են անցնում ՀՀ տարածքային կառավարման և ենթակառուցվածքների, ՀՀ շրջակա միջավայրի նախարարություններում, ՀՀ ԳԱԱ երկրաբանական գիտությունների ինստիտուտում, ՀՀ մարզպետարաններում, ՀՀ ընդերքօգտագործող մի շարք ձեռնարկություններում:

Կարիերայի հնարավորությունները

Ծրագրի ավարտին շրջանավարտներն ունակ կլինեն համակողմանիորեն տիրապետելու հետազոտման երկրաբանակառուցվածքային մեթոդներին, մակերևութային և ստորգետնյա քարտեզագրման հիմունքներին, կատարեն լեռնային փորվածքների և հորատանցքերի փաստագրում և նմուշարկում, դրանց հիման վրա արդյունքների մշակում և ամփոփում սկզբունքները, որոշելու որոնողական և հետախուզական աշխատանքների նկատմամբ ներկայացվող պահանջների համալիրի ընտրությունը, աշխատանքների հիմնավորումը և նախագծումը, օգտակար հանածոների պաշարների և կանխատեսումային ռեսուրսների ուրվագծման, հաշվարկման ու գնահատման եղանակները, որոշելու մետաղական ու ոչ մետաղական և տեխնածին հանքավայրերի արդյունաբերական տիպերը, դրանց հիման վրա երկրաբանահետախուզական նպատակներով մոդելավորելու հանքավայրի կառուցվածքը: Նրանք ունակ կլինեն կատարելու հանքավային օբյեկտների երկրաբանատնտեսագիտական գնահատում արդյունաբերական նշանակության և արդյունահանման նպատակով, բնութագրելու և մեկնաբանելու տարածաշրջանների հանքահումքային հենքը, պարզաբանելու նրա ներուժը, ընդերքօգտագործման նկատմամբ ներկայացվող բնապահպանական պահանջների համալիրը՝ տիրապետելով ընդերքօգտագործման իրավագիտական հիմունքներին, հարկավորման սկզբունքներին, երկրաբանահետախուզական և արդյունահանող ձեռնարկությունների մենեջմենթի առանձնահատկություններին:

Հետադարձ կապի էլեկտրոնային հասցեներ՝

ԵՊՀ աշխարհագրության և երկրաբանության ֆակուլտետ` ashxarh@ysu.am

Կրթական ծրագրի ղեկավար, դոցենտ Ռ․ Մովսեսյան՝ rubmov@ysu.am