Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. Ներկայացնելու ազգաբանության/մարդաբանության և հնագիտության տեսության, մեթոդաբանության և պատմության հիմնահարցերը։
   2. Սահմանելու հայոց մշակութային ժառանգությունը (հնագիտական և ազգաբանական բաղադրիչներով)` որպես համակարգ։
   3. Ներկայացնելու հայոց մշակույթի հիմնական համալիրների ու ենթահամալիրների հնագիտական և ազգաբանական պատմությունը։
   4. Թվարկելու և բնութագրելու հայ հնագիտության և ազգաբանության հիմնական սկզբնաղբյուրները։
   5. Կիրառել նոր և նորագույն մեթոդները հնագիտական և ազգաբանական խնդիրներ լուծելիս։
   6. Սահմանելու հնագիտական և ազգագրական դաշտային հետազոտությունների նախապատրաստման, կազմակերպման և անցկացման, արդյունքների ամփոփման և վերլուծության հիմնական սկզբունքները։
   7. Ներկայացնելու հնագիտական և ազգագրական նյութական և հոգևոր մշակույթների համալիրները և դրանց առանձնահատկությունները։
2. Գործնական մասնագիտական կարողություններ
   1. Վերլուծելու հնագիտական և ազգաբանական գիտակարգերի տեսական ու մեթոդաբանական հիմնախնդիրները։
   2. Քննարկելու և վերլուծելու հայոց մշակութային ժառանգությունը հին հասարակությունների քաղաքակրթական համատեքստում։
   3. Իրագործելու ազգաբանական/մարդաբանական, ժողովրդագրական հիմնախնդիրների ու զարգացումների վերաբերյալ ծրագրեր։
   4. Պատրաստելու և ներկայացնելու հնագիտական և ազգաբանական/մարդաբանական թեմաներով ռեֆերատներ, զեկուցումներ, ավարտական աշխատանքներ:
   5. Վարելու մասնագիտական բանավեճեր, կլոր սեղաններ՝ պահպանելով մասնագիտական էթիկայի կանոնները։
   6. Կիրառելու նոր և նորագույն մեթոդները հնագիտական և ազգաբանական խնդիրներ լուծելիս։
   7. Ազատորեն կողմնորոշվելու և աշխատելու արխիվներում, թանգարաններում, պահոցներում, դաշտային ազգագրական և հնագիտական տարատեսակ նյութերի հետ։
   8. Ուրվագծելու և մեկնաբանելու հնագույն, հին և միջնադարյան Հայաստանի մշակույթների և ազգաբանական/մարդաբանական զարգացման օրինաչափությունները և փոխառնչությունները հարակից երկրների հետ:
3. Ընդհանրական (փոխանցելի) կարողություններ
   1. Օգտվելու տեղեկատվության տարատեսակ աղբյուրներից (գրադարաններ, արխիվներ, ինտերնետ ռեսուրսներ), կողմնորոշվելու մասնագիտական գրականությունում, դաշտային հաշվետվություններում, քարտեզներում և հատակագծերում։
   2. Մայրենի և օտար լեզուներով հաղորդակցվելու, ձևակերպելու ու ներկայացնելու մասնագիտական բանավոր և գրավոր հաղորդումներ և հոդվածներ։
   3. Կատարելու վերլուծական, հետազոտական աշխատանք փաստացի նյութի հիման վրա։
   4. Ստեղծագործաբար իրացնելու և հանրայնացնելու ձեռք բերված գիտելիքները։