Նոր մեդիայի և հաղորդակցության ամբիոն

Նոր մեդիայի և հաղորդակցության ամբիոնը (մինչև 2017 թ. կոչվել է Մամուլի պատմության և տեսության ամբիոն) հիմնադրվել է 1999 թ․: Ամբիոնի առաջին վարիչը եղել է բ.գ.դ., պրոֆեսոր Գ. Անանյանը: Սկզբնական շրջանում ամբիոնի դասախոսների հետաքրքրությունների շրջանակն ընդգրկում էր ժուռնալիստիկայի պատմության և տեսության խնդիրները:

Ժամանակի ընթացքում համացանցի, տեղեկատվական և հաղորդակցական տեխնոլոգիաների հնարավորությունները նպաստեցին նոր մեդիայի, նրա տարբեր ուղղությունների ձևավորմանն ու զարգացմանը: Դրանով պայմանավորված՝ ամբիոնի ուսումնական ծրագրերում ներմուծվեցին նոր դասընթացներ, որոնք վարում են հանրապետությունում նոր մեդիայի և հաղորդակցության ոլորտի առաջատար մասնագետները:

2017 թվականից նոր մեդիայի և հաղորդակցության ամբիոնի վարիչն է բանասիրական գիտությունների դոկտոր, պրոֆեսոր Դավիթ Պետրոսյանը։

Ամբիոնում աշխատում են ինչպես գիտական և մանկավարժական հարուստ փորձ ունեցող, այնպես էլ երիտասարդ դասախոսներ, որոնց մի մասը ներգրավված է միջազգային ու տեղական դրամաշնորհային ծրագրերում: Ամբիոնի գիտնական-մանկավարժները հեղինակ են ուսումնամեթոդական ձեռնարկների, մենագրությունների, գիտական հոդվածների, որոնք տպագրվում են հանրապետության և արտասահմանյան մասնագիտական պարբերականներում։

Ամբիոնը տարբեր ձևաչափերով համագործակցում է արտերկրի առաջատար մի շարք համալսարանների համանուն ամբիոնների և կենտրոնների հետ։

Ամբիոնն իրականացնում է «Լրագրություն» (առկա և հեռակա) բակալավրիատական կրթական ծրագիրը և «Հասարակայնության հետ կապեր և հաղորդակցային տեխնոլոգիաներ» (առկա և հեռակա) մագիստրոսական կրթական ծրագիրը։