Քաղաքագիտության ամբիոն

1991 թվականից Երևանի պետական համալսարանում գործում է քաղաքագիտության ամբիոնը։ 1991-1998 թթ. այն ներառված է եղել փիլիսոփայության, սոցիոլոգիայի և հոգեբանության ֆակուլտետի կազմում, այնուհետև տեղափոխվել միջազգային հարաբերությունների ֆակուլտետ:

ԵՊՀ գիտական խորհրդի որոշմամբ 2010 թ․ քաղաքագիտության ամբիոնից վերակազմավորվել են երկու ամբիոններ՝

1) քաղաքական գիտության պատմության և տեսության,

2) քաղաքական ինստիտուտների և գործընթացների:

ԵՊՀ հոգաբարձուների խորհրդի որոշմամբ 2022 թ․ այդ ամբիոնների հիմքի վրա վերստին ձևավորվել է քաղաքագիտության ամբիոնը:

Ամբիոնի զարգացման գործում կան մի քանի միտումներ, մասնավորապես՝

• քաղաքագիտության ենթակառուցվածքի ստեղծում և միջազգայնացում,
• քաղաքագետների պատրաստում և գիտնականների հետազոտական ներուժի հզորացում,
• քաղաքական հետազոտությունների նոր մեթոդաբանական բազայի ձևավորում,
• քաղաքական համակարգի և վարչակարգի վերափոխումների ուսումնասիրություն,
• քաղաքական գործոնների և գործընթացների, ինչպես նաև ազգային և տարածաշրջանային անվտանգության, համաշխարհային քաղաքականության և հանրային քաղաքականության խնդիրների համեմատական վերլուծություն:

Քաղաքագիտության դասընթացի ծրագրի իրականացումն ուսումնական գործընթացում նախատեսում է դասախոսություններ, սեմինարներ, ուսանողների կողմից վերլուծական աշխատանքների կատարում քաղաքագիտության խնդիրներից մեկի վերաբերյալ։ Այն խրախուսում է ուսանողների անկախությունն ու ստեղծագործականությունը գիտական և հասարակական-քաղաքական գրականության հետ աշխատանքի ընթացքում, նպաստում աշխարհայացքի, հասարակական և քաղաքական գիտելիքների ձևավորմանը:

Քաղաքագիտության ամբիոնը կատարում է հիմնարար և կիրառական հետազոտություններ, ընդ որում՝ հիմնարար հետազոտությունը կապված է հանրային իշխանության և քաղաքական համակարգի տեսությունների հետ, իսկ կիրառական հետազոտությունը ներառում է պետական կառավարման, կուսակցությունների ռազմավարության և մարտավարության, քաղաքական վերլուծության և որոշումների կայացման հայեցակարգերը:

Քաղաքագիտության ամբիոնի վարիչն է քաղաքական գիտությունների դոկտոր, պրոֆեսոր Աշոտ Ալեքսանյանը։