Միջազգային հարաբերություններ

«Միջազգային հարաբերություններ» մագիստրոսական կրթական ծրագրի տևողությունը 2,5 տարի է, որի ավարտին շրջանավարտն ստանում է միջազգային հարաբերությունների մագիստրոսի աստիճան։ Ծրագիրը նախատեսված է միջազգային հարաբերությունների և հարակից ոլորտների շրջանավարտների համար։

Ընդունելության պահանջները

Ընդունելությունը կատարվում է՝ համաձայն ԵՊՀ առկա ուսուցմամբ մագիստրատուրայի 2023-2024 ուստարվա ընդունելության կանոնակարգի:

Ծրագրի նպատակը

Ծրագրի նպատակն է պատրաստել որակյալ մասնագետներ, որոնք կտիրապետեն մասնագիտական հմտություններին և կարողություններին՝ ունակ լինելով աշխատելու միջազգային հարաբերությունների ինչպես պրակտիկ, այնպես էլ փորձագիտական գործունեության բնագավառում, տրամադրել ուսանողներին հիմնարար գիտելիքներ միջազգային հարաբերությունների գործընթացների և միտումների վերաբերյալ՝ պրակտիկ գործունեությունների բնագավառում դրսևորելով քաղաքական գործընթացները համակարգված վերլուծելու կարողություններ, խթանել ուսանողների մոտ գիտահետազոտական և փորձագիտական գիտելիքներն ու հմտությունները՝ ներառելով տեսական-մասնագիտական գիտելիքների ամուր բազան, գիտակարգերի վերլուծական հասկացութային շրջանակները և գործիքակազմը, միջազգային փորձի հիման վրա պատրաստել մրցունակ միջազգայնագետներ:

Կարիերայի հնարավորությունները

Շրջանավարտները կարող են աշխատանքի անցնել հետևյալ կառույցներում` Արտաքին գործերի նախարարությունում, միջազգային կառույցներում ու կազմակերպություններում, տեղական ինքնակառավարման մարմիններում, հասարակական կազմակերպություններում, գիտահետազոտական կենտրոններում:

Ծրագրի շրջանավարտները հնարավորություն ունեն շարունակելու իրենց ուսումը ԵՊՀ միջազգային հարաբերությունների ֆակուլտետի ասպիրանտուրայում: