Մասնագիտություն՝ «Իրավական ուսումնասիրություններ»
Ուսուցման ձևը՝ առկա, տևողությունը՝ 2 կիսամյակ, ուսման վարձի չափը՝ յուրաքանչյուր կիսամյակ՝ 500 000 ՀՀ դրամ, շնորհվող որակավորումը՝ իրավական ուսումնասիրությունների մագիստրոս։
«Մեդիա և տեղեկատվական իրավունք» մագիստրոսական կրթական ծրագրում մրցութային կարգով կարող են ընդունվել ՀՀ պետական և ըստ մասնագիտությունների հավատարմագրված ինստիտուցիոնալ հավատարմագրում անցած ոչ պետական բարձրագույն ուսումնական հաստատությունների բակալավրի կամ դիպլոմավորված մասնագետի որակավորում ունեցող շրջանավարտները։
Ընդունելությունն անցկացվում է հարցազրույցի միջոցով այն դիմորդերի համար, ում ՄՈԳ-ը (կամ համարժեք միավորը) 13 և ավել է, մյուս դիմորդների դեպքում՝ բանավոր քննություն, ըստ ներկայացված հարցաշարի։
Ընդունելության քննության անցկացման ձևաչափը՝ բանավոր:
Ծրագրի նպատակը
Կրթական ծրագրի նպատակն է՝
ծանոթացնել լրատվամիջոցների գործառնության հիմնական սկզբունքներին և նպատակներին, դրանց սոցիալական դերին և նշանակությանը: Տրամադրել խոր և համակողմանի գիտելիքներ սոցիալական մեդիայում ծագող իրավական հարաբերությունների օրենսդրական կարգավորման վերաբերյալ,
սովորեցնել վերլուծել և մեկնաբանել մեդիա և տեղեկատվական իրավունքին առնչվող միջազգային և ներպետական օրենդրական նորմերը և պրակտիկան. մասնավորապես մեդիա հարաբերություններում մտավոր սեփականության իրավունքի, անձնական տվյալների պաշտպանության օրենսդրության, տեղեկատվության ազատության և տեղեկատվական անվտանգության, անձնական կյանքի անձեռնմխելիության վերաբերյալ օրենդրության նորմերը և դրանց կիրառման պրակտիկան,
զարգացնել սոցիալական մեդիայում հնարավոր իրավական ռիսկերը գնահատելու միջոցով և ՀՀ օրենսդրական նորմերին համապատասխան ձևով տեղեկատվություն տրամադրելու (մամուլի ասուլիս, մամուլի հաղորդագրություն, հատուկ հոդվածներ (positon-paper, by-liner և այլն), հարցազրույցներ), նյութեր հրապարակելու ուսանողների մասնագիտական կարողությունները և հմտությունները։
Ծրագրի վերջնարդյունքները
Ծրագրի բարեհաջող ավարտին շրջանավարտը կկարողանա պարզաբանել ԶԼՄ-ի՝ հասարակական գիտակցության և սոցիալական վարքի վրա ազդեցության մեխանիզմները, ներկայացնել ԶԼՄ-ի տեսությունների հիմնական հասկացությունները, պարզաբանել PR գործիքների տեսակները, դրանց առանձնահատկությունները: Գործնականում կիրառել մեդիայում օգտագործվող գործիքները, ներկայացնել և մեկնաբանել մեդիա և տեղեկատվական իրավունքի ոլորտի իրավական կարգավորումներն ու սկզբունքները: Պարզաբանել մեդիա և տեղեկատվական իրավունքի վերաբերյալ միջազգային իրավունքի աղբյուրների և ներքին օրենսդրության միջև փոխհարաբերությունները, մեդիա և տեղեկատվական իրավունքի ոլորտում հիմնական քաղաքականությունն ու պրակտիկան:
Կրթությունը շարունակելու հնարավորությունները
Շրջանավարտները կարող են լրագրողի մասնագիտության գործունեություն ծավալել, աշխատել հեռուստաընկերություններում, հեռահաղորդակցության և մեդիա ոլորտում գործող կազմակերպություններում, պետական կառավարման և տեղական ինքնակառավարման համակարգի մարմիններում, մասնավոր ընկերություններում, խորհրդատվական ընկերություններում, միջազգային կառույցներում և կազմակերպություններում, հասարակական կազմակերպություններում։
Ծրագրի շրջանավարտները կարող են շարունակել իրենց ուսումը ասպիրանտուրայում:
ՀԱՐՑԱՇԱՐ ԵՎ ԳՐԱԿԱՆՈՒԹՅԱՆ ՑԱՆԿ
1. Խոսքի ազատության իրավական կարգավորումը
2. Տեղեկություն ստանալու իրավունքը, սահմանափակումները
3. Տեղեկատվության աղբյուրների տեսակները. բաց և փակ/անանուն աղբյուրներ
4. Տեղեկատվության աղբյուրը բացահայտելու պահանջի իրավաչափությունը. ՀՀ օրենսդրություն և միջազգային պրակտիկա
5. Խոսքի ազատությունը և ցուցմունք տալու պարտականությունը
6. Տեղեկատվության ձեռքբերման թույլատրելի և անթույլատրելի մեթոդներ. էթիկայի և օրենսդրության հարաբերակցությունը
7. Ապատեղեկատվություն, տեսակները
8. «Լրագրողական էթիկա» հասկացությունը, հիմնական սկզբունքները
9. Տեղեկատվություն ստանալու իրավունքը և այլ անձի անձնական, ընտանեկան կյանքի գաղտնիությունը հարգելը
10. Խոսքի ազատությունը և ատելության խոսքի արգելքը
11. Խոսքի ազատությունը և բռնության կոչի արգելքը
12. Խոսքի ազատությունը և հոլոքոստի, ցեղասպանության հերքումը
13. Խոսքի ազատության սահմանափակումը՝ անզգային անվտանգության ապահովման նկատառումներով
14. Խոսքի ազատության սահմանափակումը՝ հանցագործությունների կանխարգելման, գործի օբյեկտիվ քննության նկատառումներով
15. Խոսքի ազատությունը և անմեղության կանխավարկածը
16. Խոսքի ազատության սահմանափակումը՝ անզգային անվտանգության ապահովման նկատառումներով
17. Խոսքի ազատությունը և հանրային անձանց պատվի, արժանապատվության, բարի համբավի պաշտպանությունը
18. Խոսքի ազատությունը և վիրավորանքը
19. Խոսքի ազատությունը և զրպարտությունը
20. Սոցիալական մեդիան և էթիկական հարցերը․ վիրավորանքը մեկնաբանություններում
21. Երեխաների մասին հրապարակումները և լրագրողական էթիկան
22. Խոսքի ազատությունը և հանրային գործիչների վերաբերյալ հրապարակումները
23.Մոռացված լինելու իրավունքը և մեդիան
24․ Խոսքի ազատությունը և տեղեկատվական տվյալների պաշտպանությունը
25․ Խոսքի ազատությունը և բժշկական բնույթի տեղեկատվության բացահայտումը
26. Գրագողություն կամ հեղինակային իրավունքի խախտում. լրագրողական էթիկայի և օրենսդրության հարաբերակցությունը
27. Տեղեկատվական անվտանգություն
28. Տեղեկատվական ահաբեկչություն, տեղեկատվական պատերազմ
29. Խոսքի ազատությունը և համացանցը
30. Խոսքի ազատությունը պատերազմական իրավիճակներում
31. Խոսքի ազատությունը արտակարգ, ճգնաժամային իրավիճակներում
32. Լրագրողի մասնագիտական գործունեությանը խոչընդոտելը
Գրքեր
1. Վ․Գ․Պետրոսյան, ԶԼՄ ինքնակարգավորում և կարգավորում, ԵՊՀ, Երևան, 2014 թ.։
2. Արա Ղազարյան, Արտակ Զեյնալյան, Զրպարտություն և Վիրավորանք, Երևան, 2014 թ.։
3. Շուշան Դոյդոյան, Մեդիա Օրենսդրություն, Երևան, 2020։
4. Շուշան Դոյդոյան, Տեղեկատվության Ազատություն։
5. Հովհաննիսյան Ա․ Ա․, Այվազյան Մ․Գ․, Մեդիա իրավունք, Երևան, 2020։
6. Ինչպես լուսաբանել երեխաներին վերաբերող հարցերը, ՄԻՊ, 2018։
7. Երեխաների մասին լուսաբանման հիմնարար սկզբունքներ, Յունիսեֆ, էլեկտրոնային աղբյուր։
Իրավական ակտեր
1. «Զանգվածային լրատվության միջոցների մասին» ՀՀ օրենք
2. Քրեական օրենսգիրք, Հոդված 163
3. ՀՀ, Սահմանադրություն, Հոդվածներ 42, 51
4. Եվրոպական կոնվենցիա, Հոդվածներ 6, 8, 10
5. Ժնևյան կոնվենցիա
6. ՍԴՈ-997
7. ՍԴՈ- 1234
Հետադարձ կապ
Էլհասցե` davtyan.tatevik@gmail.com
Հեռ.` (+374 60) 710 232, (+374 60) 710 252
