Ծրագրավորման և ինֆորմացիոն տեխնոլոգիաների ամբիոն

Ծրագրավորման և ինֆորմացիոն տեխնոլոգիաների ամբիոն

Ծրագրավորման և ինֆորմացիոն տեխնոլոգիաների ամբիոնը հիմնադրվել է 2006 թ․։ Տարբեր տարիների այն ղեկավարել են ականավոր գիտնականներ, որոնց թվում՝ ԽՍՀՄ ԳԱ թղթակից անդամ Ռիմա Պոդլովչենկոն, Ս․ Ա․ Նիգիյանը, որոնք մեծ ավանդ են ունեցել ամբիոնի կայացման և հետագա զարգացման գործում։

Ամբիոնն իր բազմամյա գործունեության ընթացքում եղել է տեղեկատվական տեխնոլոգիաների ոլորտի բարձրորակ կադրերի պատրաստման գիտակրթական կենտրոն։

Ամբիոնում աշխատում են առաջատար մասնագետներ, որոնք կատարում են հետազոտություններ՝ հետևյալ հիմնական ուղղություններով՝

• օբյեկտ կողմնորոշված ծրագրավորում,
• մեքենայական ուսուցում,
• տվյալների ինտելեկտուալ վերլուծություն,
• զուգահեռ ծրագրավորում,
• արհեստական բանականության համակարգեր։

Ծրագրավորման և ինֆորմացիոն տեխնոլոգիաների ամբիոնի վարիչն է ֆ.մ.գ.թ., դոցենտ Սիրանուշ Սարգսյանը։

Ծրագրավորման ինֆորմացիոն տեխնոլոգիաների ամբիոնն իրականացնում է «Հաշվողական մեքենաների, համալիրների, համակարգերի ցանցերի մաթեմատիկական ծրագրային ապահովում» մագիստրոսական ծրագիրը։