Ենթամիլիմետրային ալիքների լաբորատորիա

Ենթամիլիմետրային ալիքների գիտահետազոտական լաբորատորիան ստեղծվել է 2006 թվականին։ Հետազոտությունների հիմնական ուղղություններն են՝

տերահերցային (ՏՀց) սպեկտրոսկոպիա,
լայնաշերտ ենթամիլիմետրային` տերահերցային ալիքների գեներացում ֆեմտովայրկյանային լազերային իմպուլսների փոխակերպման միջոցով,
ՏՀց ճառագայթման դետեկտման հետազոտում,
ՏՀց տիրույթի ալիքատարերի մշակում և հետազոտում,
կենսաբանական օբյեկտների հետ ենթամիլիմետրային և ԳԲՀ տիրույթի ալիքների փոխազդեցության հետազոտում:

Տեխնիկական հագեցվածությունը

«MenloSystems» ընկերության TERA K15 ժամանակային տիրույթի տերահերցային սպեկտրոմետր (Terahertz Time Domain Spectrometer),
«Spectra-Physics» ընկերության Ti:Sapphire ֆեմտովայրկյանային լազեր,
ՏՀց պիրոէլեկտրիկական դետեկտոր,
օպտիկական և ինֆրակարմիր տիրույթների հզորության չափիչ,
ինֆրակարմիր ճառագայթման էլեկտրոնային վիզուալիզատոր,
օպտիկական տիրույթի թվային սպեկտրոմետր. Ocean Optics USB 4000,
ժամանակային տիրույթի տերահերցային սպեկտրոմետր՝ Ti:Sapphire ֆեմտովայրկյանային լազերի հիման վրա (պատրաստել են լաբորատորիայի աշխատակիցները),
գերճշգրիտ քայլով (0.5 մկմ) օպտիկական հապաղման գիծ,
արագ փոփոխվող հապաղման գիծ (պատրաստել են լաբորատորիայի աշխատակիցները),
թվային օսցիլոգրաֆ. Agilent Technologies DSO7012B
մեխանիկական մոդուլյատորներներ (chopper),
սինքրոն ուժեղարարներ (Lock-In amplifier),
համակարգիչներ` համապատասխան ծրագրային ապահովմամբ:

Միջազգային համագործակցություն

Լաբորատորիայում կատարվող մի քանի ուսումնասիրություններ իրականացվում են գիտական տարբեր կենտրոնների համագործակցության շրջանակում, մասնավորապես՝

Սթենֆորդի համալսարան (ԱՄՆ),
Կայզերսլաուտերնի տեխնիկական համալսարան (Գերմանիա),
Լիդսի համալսարան (Մեծ Բրիտանիա),
Տոհոկուի համալսարան (Ճապոնիա),
Սոգանգի համալսարան (Հարավային Կորեա):

Մասնակցությունը ուսումնական գործընթացին

Ենթամիլիմետրային ալիքների գիտահետազոտական լաբորատորիան նպաստում է նաև ԵՊՀ ֆիզիկայի ինստիտուտի ուսումնական գործընթացի արդյունավետ կազմակերպմանը՝ խթանելով ուսանողների և ասպիրանտների գիտելիքների և պրակտիկ աշխատանքային հմտությունների ձեռքբերումը։