Ֆիզիկատեխնիկական հետազոտությունների լաբորատորիա
2017 թվականին ԵՊՀ ռադիոֆիզիկայի ֆակուլտետին (այժմ՝ Ֆիզիկայի ինստիտուտ) կից ստեղծվել է «ԵՊՀ ֆիզիկատեխնիկական հետազոտությունների կենտրոն» գիտահետազոտական լաբորատորիան (ԳՀԼ):
«ԵՊՀ ֆիզիկատեխնիկական հետազոտությունների կենտրոն» ԳՀԼ-ում հետազոտություններ են կատարվում հետևյալ ուղղություններով.
- սեյսմիկ տատանումների գրանցման գերզգայուն տվիչի նախագծում օպտիկական տիրույթում, մակերևութային պլազմոն-պոլյարիտոնների տեղայնացումը օպտիկական կոնաձև մանրաթելի գագաթին,
- հեղուկում մետաղական նանոմասնիկների ցածր կոնցենտրացիաների ուսումնասիրությունները միկրոալիքային և օպտիկական տիրույթներում,
- կիսահաղորդչային գազային տվիչի նախագծում:
«ԵՊՀ ֆիզիկատեխնիկական հետազոտությունների կենտրոն» ԳՀԼ-ում կատարվում են նաև Ֆիզիկայի ինստիտուտի ուսանողների բակալավրիատի և մագիստրատուրայի ավարտական փորձարարական աշխատանքները, ինչպես նաև ասպիրանտների հետազոտական աշխատանքները:
Ֆիզիկայի ինստիտուտի «Գիտափորձի ավտոմատացման պրակտիկում» առարկայի շրջանակում լաբորատոր աշխատանքները կատարվում են ԳՀԼ-ում, ինչը նպաստում է ուսանողների փորձարարական գիտելիքների հարստացմանը:
