Իրադարձություններ

Ս.թ. հոկտեմբերի 2-ին՝ ժամը 14:30-ին, ԵՊՀ կենսաբանության ֆակուլտետի 307 լսարանում «New general developments in the field of nutrition» թեմայով դասախոսություն կկարդա Գդանսկի տեխնոլոգիական համալսարանի (Գդանսկ, Լեհաստան) պրոֆեսոր Ագնեշկա Բարտոշեկին:

Ս.թ. սեպտեմբերի 29-ին՝ ժամը 14:00-ին, ԵՊՀ Պալեանների անվան դահլիճում կանցկացվի «Անձ և սոցիալական վարք. COVID-19-ի կարճաժամկետ և երկարաժամկետ հետևանքները Հայաստանում» հետազոտության արդյունքների ամփոփման հաշվետու միջոցառում:

Ս.թ. սեպտեմբերի 29-ին՝ ժամը 13:00-ին, ԵՊՀ ՍԹԵՄ ավագ դպրոցի աշակերտները ճանաչողական այց կկատարեն Հայկական ատոմային էլեկտրակայան:

Ս․թ. սեպտեմբերի 27-29-ը Թարգմանության եվրասիական երկրորդ համաժողովի շրջանակում տեղի կունենա «Թարգմանությունը միջնորդ լեզվի միջոցով» խորագրով միջազգային գիտաժողով։

Ս.թ. սեպտեմբերի 29-ին՝ ժամը 10:00-ին, ԵՊՀ կենտրոնական մասնաշենքի մեծ դահլիճում տեղի կունենա «Ֆունկցիոնալ սննդամթերք և կենսաբանական ակտիվ միացություններ. ժամանակակից և միջնադարյան մոտեցումներ» խորագրով միջազգային 31-րդ գիտաժողով-ցուցահանդեսը, որին մասնակցելու են գյուղատնտեսական արտադրանք ցուցադրող արտադրողներ:

Ս.թ. սեպտեմբերի 26-28-ը՝ ժամը 10:00-ին, ԵՊՀ 4 կրթական ծրագրերի միջազգային հավատարմագրման շրջանակում 6 փորձագետներ կայցելեն ֆարմացիայի ինստիտուտ և կենսաբանության ֆակուլտետ:

Ս․թ․ սեպտեմբերի 22-ին ԵՊՀ իրավագիտության ֆակուլտետում կանցկացվի «Իրավաբանական կրթության և գիտության զարգացման արդի մարտահրավերներն ու հեռանկարները» խորագրով գիտաժողով՝ նվիրված ֆակուլտետի հիմնադրման 90-ամյակին։

Ս.թ. սեպտեմբերի 18-ին՝ ժամը 10:30-ին, ԵՊՀ եվրոպական լեզուների և հաղորդակցության ֆակուլտետում Կադիսի համալսարանի (Իսպանիա) հետ գործակցության շրջանակում կբացվի նոր՝ հայ-իսպանական կաբինետ:

Ս.թ. սեպտեմբերի 18-19-ը՝ ժամը 09:00-ին, ԵՊՀ Ծաղկաձորի «Համալսարան» ուսումնաարտադրական բազայի նիստերի դահլիճում տեղի կունենա միջազգային գիտաժողով:

Ս.թ. սեպտեմբերի 19-ին՝ ժամը 10:00-ին, ԵՊՀ գիտխորհրդի նիստերի դահլիճի նախասրահում կանցկացվի հանդիպում «Վարդանանց ասպետներ» կազմակերպության հայտարարած Թաբիբյան ընտանիքի 2023-2024 թվականի կրթաթոշակակիրների հետ: