Տեղեկատվական համակարգերի կառավարում

«Տեղեկատվական համակարգերի կառավարում» կրթական ծրագրի շրջանակում դասավանդող պրոֆեսորադասախոսական կազմում ՏՏ ոլորտի ճանաչված փորձառու և հմուտ մասնագետներ են, որոնք, մանկավարժական գործունեությանը զուգահեռ, կատարում են գիտահետազոտական աշխատանքներ, որոնց արդյունքները տպագրվում են ինֆորմատիկայի և ՏՏ բնագավառի՝ բարձր ազդեցության գործակից ունեցող պարբերականներում և միջազգային գիտաժողովների հոդվածների ժողովածուներում, հեղինակավոր միջազգային մի շարք գիտաժողովների կոմիտեների անդամներ են, ինչպես նաև ներգրավված են հայաստանյան և արտասահմանյան դրամաշնորհային ծրագրերում։

1. Ընդհանրական կարողություններ

Դասավանդման (մանկավարժական)

• Դասընթացի ծրագիր կազմելու հմտություն,
• դասաժամերը արդյունավետ օգտագործելու ունակություն,
• դասավանդման ինտերակտիվ մեթոդների իմացություն, ակտիվ ուսուցման տեխնիկաների կիրառման կարողություն,
• ուսանողների հետ անհատական աշխատանք կազմակերպելու կարողություն։

Հետազոտական

• Դասավանդվող նյութի վերաբերյալ գիտական աղբյուրներ օգտագործելու կարողություն,
• տեղեկատվական տեխնոլոգիաների բնագավառում հետազոտական աշխատանքի փորձ (գրախոսվող ամսագրերում, ժողովածուներում տպագրված հոդվածներ),
• հետազոտական աշխատանքներ ղեկավարելու ունակություն:

Հաղորդակցման

• Մասնագիտական վերլուծություններ, բանավեճեր, քննարկումներ, ներկայացումներ կազմակերպելու կարողություն,
• ուսումնական նյութը, հետազոտության արդյունքները պատշաճ ներկայացնելու կարողություն,
• օտար լեզվի իմացություն (առնվազն անգլերենի B1 մակարդակին համապատասխան)։

ՏՀՏ կիրառություն

• Էլեկտրոնային կրթական ռեսուրսների օգտագործման կարողություն, մասնավորապես՝

1. էլեկտրոնային նյութերի (ներկայացումներ, առաջադրանքներ և այլն) ստեղծում,
2.  քննությունների, քննարկումների և բանավեճերի կազմակերպում ուսուցման ղեկավարման համակարգի միջավայրում։

Այլ կարողություններ

• Մասնագիտական էթիկայի և իրավական նորմերի իմացություն,
• բնագավառի արդի վիճակի իմացություն,
• ժամանակային ռեսուրսների պլանավորման և կառավարման կարողություն:

2. Մասնագիտական կարողություններ

• Տեղեկատվական համակարգերի վերլուծության և նախագծման սկզբունքների իմացություն,
• տեղեկատվական համակարգերի օգտագործման կարողություն,
• տվյալների վերլուծության և ղեկավարման արդի մոտեցումների իմացություն,
• տվյալագիտության ժամանակակից պարադիգմների իմացություն,
• հեռահաղորդակցության և Web-տեխնոլոգիաների իմացություն,
• տեղեկատվական համակարգերում ֆինանսական հոսքերի ղեկավարման հիմունքների իմացություն,
• տեղեկատվական համակարգերի օգտագործմանն ու կառուցմանն առնչվող իրավական և էթիկայի նորմերի իմացություն։

3. Ընդհանուր պահանջներ

Գիտական աստիճան

• Գիտական աստիճան տեղեկատվական տեխնոլոգիաների բնագավառում,
• վերջին 5 տարիների ընթացքում առնվազն 3 գիտական և (կամ) մեթոդական հրատարակությունների առկայություն, ինչպես նաև մասնակցություն գիտաժողովների կամ աշխատաժողովների։

Մանկավարժական փորձ

• Մասնագիտական դասընթացներ դասավանդելու առնվազն 5 տարվա փորձ,
• վերջին 5 տարվա ընթացքում մասնակցություն տեղական կամ միջազգային վերապատրաստումների և (կամ) մասնագիտական որակավորման բարձրացման դասընթացների:

Պրակտիկ աշխատանքի փորձ

• Առնվազն 5 տարվա աշխատանքային փորձ տեղեկատվական տեխնոլոգիաների բնագավառում։

Այլ պահանջներ

• Դասավանդման պորտֆոլիո՝ դասավանդվող առարկաների նյութերի առցանց 100% առկայություն,
• ուսանողական հարցման արդյունքներով ստացված գնահատականների միջինը՝ առնվազն 4,0 (գործող դասախոսների համար)։