Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. տարբերակել և համակարգել ԳԲՀ տիրույթի հիմնական հաճախային տիրույթներն ու ստանդարտները և դրանց նշանակությունը քաղաքացիական և ռազմական նպատակերի տեսանկյունից,
   2. հասկանալ ենթամիլիմետրային, տերահերցային և օպտիկական տիրույթներում էլեկտրամագնիսական ալիքների գեներացման, տարածման և դետեկտման առանձնահատկությունները, հիմնախնդիրները, կտիրապետի դրանց լուծման ուղիներին,
   3. ներկայացնել հիմնական կոմպոզիտային և անիզոտրոպ հա­ղորդ­ականությամբ նյութերի տեսակներն ու առանձնահատկությունները միկրալիքային և ՏՀց տիրույթներում և նրանցում ընթացող ֆիզիկական ու քիմիական երևույթների առանձնահատկությունները,
   4. բացատրել նյութի հետ սպեկտրի մետրային, սանտիմետրային և միլիմետրային տիրույթներում էլեկտրամագնիսական ալիքների փոխազդեցության առանձնահատկություններին և գիտության ու տեխնիկայի տարբեր բնագավառներում դրանց կիրառման հնարավորություններին,
   5. ներկայացնել հեռազննման և հեռակառավարման ռադիոէլեկտրոնային սարքերի աշխատանքի սկզբունքները
   6. ներկայացնել կապի ժամանակակից համակարգերում օգտագործվող և նախատեսվող պրոտոկոլները և ալգորիթմները,
   7. դասակարգել ինֆորմացիայի մշակման և հաղորդման տեսական հիմունքները, կոդավորման և մոդուլման եղանակները,
   8. ներկայացնել նանոմետրական չափերում ալիքի տեղայինացման և կառավարման հիմնական սկզբունքները,
   9. նկարագրել ինֆորմացիոն տեխնոլոգիաների և հեռահաղորդակցության ոլորտների զարգացման հեռանկարները,
   10. ներկայացնել լայն դասի անտենաների աշխատանքի սկզբունքը և բնութագրող պարամետրերը,
2. Գործնական մասնագիտական կարողություններ
   1. աշխատել ռադիոհաճախային տիրույթում հեռազննումն ու հեռակառավարումն իրականացնող սարքերի հետ գիտենալով դրանց գործողության սկզբունքները,
   2. կիրառել գիտության և տեխնիկայի տարբեր բնագավառներում էլեկտրամագնիսական ալիքների տերահերցային տիրույթում գործող սարքերը, գիտանալով դրանց աշխատանքն ապահովող ֆիզիկական սկզբունքները,
   3. աշխատել գիտության, արտադրության, անվտանգության ու ռազմական ոլորտներում կիրառվող ժամակակից ռադիոֆիզիկական սարքերի հետ,
   4. տիրապետել ռադիոֆիզիկական խնդիրների համակարգչային նմանակման ժամանակակից համակարգչային ծրագրերին,
   5. կիրառել համակարգչային մոդելավորման և նմանակման ծրագրային փաթեթները ԳԲՀ տիրույթի սարքերի արդիական հանգույցների (ալիքատարներ, ռեզոնատորներ, ֆիլտրեր և այլն) նախագծման և պահանջվող պարամետրերի ապահովման հարցերում,
   6. իրականացնել նախագծային սարքերում փոխհամաձայնության և համատեղելիության գնահատում,
   7. կիրառելու ազդանշանների մշակման թվային մեթոդները կապի համակարգում ազդանշանի անխափան ընդունման նպատակով. գնահատելու տրված կապի համակարգի թողունակությունը, ակնկալվող որակի մակարդակը (ԲER-ի գնահատում).
   8. օգտագործել նանոմասշտաբային համակարգերի էլեկտրմագնիսական, միկրոմեխանիկական և օպտիկական հատկությունների մասին գիտելիքները էլեկտրաֆիզիկական, էլեկտրաքիմիական, կենսաբանական գործընթացներում տեխնոլոգիական բնույթի սահմանափակումների գնահատման և նոր մեխանիզմների մոդելավորման համար:
   9. թվարկել ոչ գծային և պարամետրական համակարգերի միջոցով իրականացվող հիմնական գործընթացները,
3. Ընդհանրական (փոխանցելի) կարողություններ
   1. օտար լեզվով ընդհանուր և մասնագիտական բառապաշարի իմացություն այն ծավալով, որն անհրաժեշտ է մասնագիտական բնույթի հաղորդակցում իրականացնելու, ինչպես նաև տեքստերի ընթերցման և թարգմանության համար,
   2. օտար լեզվով կազմել հստակ, լավ կառուցված տեքստ մասնագիտական թեմայի վերաբերյալ, նկարագրել իր փորձն ու իրադարձություններ, ներկայացնել սեփական կարծիքների և նպատակների հիմնավորումները:
   3. ժամանակակից գիտական հետազոտությունների կատարման և ձևակերպման հիմնական սկզբունքներ և մեթոդներ
   4. օգտվելով ինֆորմացիայի ժամանակակից աղբյուրներից (տպագիր և առցանց գրականություն) դասակարգել և վերլուծել տեղեկատվություն՝ գործնական խնդիրներ ձևակերպելու և գործնական լուծումներ առաջարկելու համար,
   5. վերլուծել և ներկայացնել գիտական հետազոտությունների արդյունքները, պատրաստել զեկուցումներ, և վարել գիտական սեմինարներ,
   6. ուղղորդվել մասնագիտական էթիկայի կանոներով