ՀԱՄԱԼՍԱՐԱՆԱԿԱՆՆԵՐՆ ԻՐԵՆՑ ԱՄԱՌԱՅԻՆ ՀԱՆԳԻՍՏԸ ԿԱՐՈՂ ԵՆ ԿԱԶՄԱԿԵՐՊԵԼ ԾԱՂԿԱՁՈՐԻ ՈՒՍՈՒՄՆԱԱՐՏԱԴՐԱԿԱՆ ԲԱԶԱՅՈՒՄ

Օգոստոսի 1-ից հանգիստը Ծաղկաձորի ուսումնաարտադրական բազայում անցկացնելու համար անհրաժեշտ է սենյակների նախնական ամրագրում իրականացնել, ինչի համար պետք է դիմել ԵՊՀ ռեկտորի աշխատակազմի ղեկավար Արարատ Մալխասյանին՝ նրա էլեկտրոնային հասցեին (araratmalkhasyan@gmail.com)  ուղարկելով ԵՊՀ աշխատողի (ուսանողի) անունը, ֆակուլտետը, պաշտոնը (ուսանողի դեպքում՝ կուրսը), պահանջվող ժամանակահատվածը, տեղերի քանակը (երեխաների առկայության դեպքում նշել տարիքները) և բջջային հեռախոսահամարը։

Մեզ հետ զրույցում Արարատ Մալխասյանը փաստեց, որ կեցության վարձը մեծահասակ 1 անձի համար 1 օրը կազմում է 8000 դրամ՝ ներառյալ գիշերակացը և 3-անգամյա սնունդը, 3-12 տարեկան երեխաների համար՝ 6000 դրամ, մինչև 3 տարեկան երեխաների համար՝ անվճար (առանց մահճակալի և սննդի հատկացման)։

Նրա փոխանցմամբ, սենյակների հատկացումից հետո անհրաժեշտ է վճարել կեցության արժեքը ԵՊՀ բանկային հաշվեհամարին (հ/հ 1510001995480500) և այդ մասին տեղեկացնել ԵՊՀ հաշվապահության գործավար Մարինե Ղազարյանին (հեռ.՝ 060 710 160)։

«Մուծման կտրոնները պետք է պահպանել, և դրանք ներկայացնել Ծաղկաձորի բազայի տնօրինությանը»,- հավելեց Արարատ Մալխասյանը։

Տեղեկացնենք, որ լրացուցիչ տեղեկությունների համար համալսարանականները կարող են դիմել ԵՊՀ հաշվապահության գործավար Մարինե Ղազարյանին (հեռ.՝ 060 710 160) և Ծաղկաձորի բազայի հաշվապահ Կարինե Օհանյանին (հեռ.՝ 094 50 25 90)։

Պատրաստեց Քնար Միսակյանը