Նորագույն սարքավորումները՝ հետազոտական աշխատանքների արդյունավետության բարձրացման գրավական ԵՊՀ կենսաբանության գիտահետազոտական ինստիտուտի ու ԵՊՀ մանրէաբանական կենսատեխնոլոգիաների և կենսավառելիքի նորարարական կենտրոնի ձեռք բերած գազային և հեղուկային քրոմատագրերի մաս սպեկտրոմետրերը հնարավորություն կտան ունենալու ավելի ճշգրիտ հետազոտական արդյունքներ:
ԵՊՀ ուսանողը՝ ՀՀ կենտրոնական բանկի կազմակերպած մրցույթի հաղթող ԵՊՀ ակտուարական և ֆինանսական մաթեմատիկայի ամբիոնի «Ֆինանսական մաթեմատիկա» մագիստրոսական ծրագրի 1-ին կուրսի ուսանող Ֆենյա Ամիրբեկյանը հաղթել է ՀՀ կենտրոնական բանկի կազմակերպած Իսահակ Իսահակյանի անվան հետազոտական մրցույթում՝ զբաղեցնելով 1-ին մրցանակային տեղը և արժանանալով 1 մլն ՀՀ դրամ դրամական պարգևի։
«Համալսարանական միջավայրը մղում է ուսանողներիս հասնելու լավագույնին». Ռուզաննա Բեկջանյան ԵՊՀ ֆարմացիայի ինստիտուտի ուսանող Ռուզաննա Բեկջանյանը «Լավագույն ուսանող» մրցույթի հանրապետական (միջբուհական) փուլի արդյունքում բժշկության ոլորտում բակալավրի կրթական ծրագրով առաջին տեղի մրցանակակիր է:
ԵՊՀ գիտնականների հետազոտությունները՝ ամենաբարձր ազդեցության գործակից ունեցող գիտական պարբերականներում ԵՊՀ հետազոտողները և գիտնականները միջազգային առաջատար պարբերականներում հրապարակում են գիտական հոդվածներ՝ իրենց հետազոտություններով նպաստելով գիտության տարբեր ճյուղերի զարգացմանը։ 2023 թ․ ԵՊՀ հետազոտողները տպագրել են 1494 գիտական հոդված, որից 243-ը՝ ինդեքսավորվող «Scopus» շտեմարանում ընդգրկված միջազգային հեղինակավոր հանդեսներում։
Տեղի է ունեցել ԵՊՀ հոգաբարձուների խորհրդի նիստը Օրակարգային 6 հարցերով այսօր տեղի է ունեցել ԵՊՀ հոգաբարձուների խորհրդի նիստը, որի ժամանակ գնահատվել է ռեկտորի տարեկան գործունեության հաշվետվությունը, հաստատվել են ԵՊՀ կառուցվածքը, հաստիքացուցակը, եկամուտների և ծախսերի տարեկան նախահաշիվն ու 100 միլիոն ՀՀ դրամի սահմանաչափը գերազանցող ներկայացված պայմանագրերը։
ԵՊՀ-ն շարունակաբար կատարելագործում է կրթական ծրագրերն ու անձնակազմի մասնագիտական հմտությունները 2023-2024 ուսումնական տարվա երկրորդ կիսամյակից ԵՊՀ կրթական ծրագրերում կներդրվեն «Մեդիագրագիտություն» և «Քննադատական մտածողություն» դասընթացները, իսկ ԵՊՀ ակադեմիական և վարչական անձնակազմը կվերապատրաստվի «Քննադատական մտածողություն» թեմայի շրջանակում։ ԵՊՀ շարունակական կրթության կենտրոնի նախաձեռնությամբ և ԵՄ ֆինանսական աջակցությամբ հայտարարվել է նշյալ դասընթացների և վերապատրաստման ծրագրի մրցույթ, որի հաղթողներն արդեն իսկ ընտրվել են:
Գիտակրթական ոլորտում զարգանալու և հաջողությունների հասնելու հնարավորություններ ԵՊՀ-ում ԵՊՀ-ում «Տիեզերական ճառագայթների ֆիզիկա» դասավանդում է Ֆիզիկայի ինստիտուտի միջուկային ֆիզիկայի ամբիոնի դասախոս Սուսաննա Գագինյանը։ Նա դասախոսելը համարում է ոչ միայն աշխատանք, այլ նաև նախասիրություն, սեր դեպի ֆիզիկան: Ունենալով հետազոտական և գիտական աշխատանքներ կատարելու փորձ՝ Ս․ Գագինյանը համագործակցում է Միջուկային հետազոտությունների միացյալ ինստիտուտի (Դուբնա) և Բռնոյի տեխնոլոգիական համալսարանի (Չեխիա) հետ:
Գիտական ուսումնասիրությունների արդյունքների գործնական կիրառությունը՝ ուղենիշային նպատակ ԵՊՀ աշխարհագրության և երկրաբանության ֆակուլտետի ֆիզիկական աշխարհագրության և ջրաօդերևութաբանության ամբիոնի դոցենտ Վարդուհի Մարգարյանը շուրջ 250 գիտական հոդվածների հեղինակ է, որոնցից մի քանի տասնյակը հրապարակվել է միջազգային վարկանիշային գիտական հանդեսներում:
Երիտասարդ գիտնականներն առաջարկում են քաղցկեղի դեմ պայքարի անվտանգ համակցություն Քաղցկեղի աճող սպառնալիքը հանգեցնում է միացությունների նոր աղբյուրների որոնմանը և թիրախավորված դեղամիջոցների ստեղծմանը, որոնք կլինեն անվտանգ, արդյունավետ, մատչելի և նվազագույն կողմնակի ազդեցությամբ: «Համահայկական գիտաժողով-2023»-ի շրջանակում ԵՊՀ շրջանավարտ երիտասարդ գիտնականները ներկայացրել են հակաքաղցկեղային պայքարի համակցություն և հաղթող ճանաչվել:
ԵՊՀ իրավագիտության ֆակուլտետի ուսանողները՝ միջբուհական դատախաղ-մրցույթի հաղթող Ֆինանսական համակարգի հաշտարարի գրասենյակի նախաձեռնությամբ կազմակերպվել էր բանկային իրավունքի թեմայով ամենամյա դատախաղ-մրցույթ ուսանողների համար: Մրցույթի հաղթող են ճանաչվել ԵՊՀ իրավագիտության ֆակուլտետը ներկայացնող երկու թիմերը:
