Իրադարձություններ

Ս.թ. ապրիլի 8-ին՝ ժամը 12:30-ին, ԵՊՀ արևելագիտության ֆակուլտետի արաբագիտության ամբիոնում (217 լսարան) Զալցբուրգի համալսարանի դասախոս, ասորական նախագծի ղեկավար, դոկտոր Ահո Շեմունկաշոն կներկայացնի Եվրոպայում ասորագիտության հիմնադրմանը, ինչպես նաև հետագա զարգացմանը նվիրված «Ասորագիտությունը Եվրոպայում. անցյալ և ներկա» թեմայով դասախոսություն:

Ս․թ․ ապրիլի 2-4-ը` ժամը 14:15-ին, ԵՊՀ մաթեմատիկայի և մեխանիկայի ֆակուլտետի 203 լսարանում տեղի կունենա Մաթեմատիկական և կիրառական հետազոտությունների կենտրոնի ամփոփիչ գիտաժողովը:

Ս.թ. ապրիլի 4-ին՝ ժամը 13։30-ին, ԵՊՀ գիտխորհրդի նիստերի դահլիճում տեղի կունենա Երկրաբանի միջազգային օրվան նվիրված «Mente et Malleo» միջոցառումը։

Ս․թ․ ապրիլի 3-ին՝ ժամը 09:30-ին, ԵՊՀ քիմիայի ֆակուլտետի 334 լսարանում տեղի կունենա Քիմիայի գիտահետազոտական կենտրոնի ամփոփիչ գիտաժողովը:

Ս․թ․ ապրիլի 2-ին՝ ժամը 14։00-ին, ԵՊՀ 8-րդ մասնաշենքի դահլիճում տեղի կունենա ԵՊՀ մանկավարժության և կրթության զարգացման կենտրոնի «Կրթության կազմակերպում», «Դպրոցական մանկավարժություն և մեթոդիկա», «Ուսուցչական առաջնորդություն» մագիստրոսական կրթական ծրագրերի շրջանավարտների դիպլոմների հանձնման արարողությունը։

Ս.թ. մարտի 29-31-ը՝ ժամը 10:00-ին, ԵՊՀ Ծաղկաձորի ուսումնաարտադրական բազայում կանցկացվի «Պատերազմն ու խաղաղությունը սոցիալական գիտությունների դիտակետում» խորագրով միջազգային գիտաժողով:

Ս.թ. մարտի 29-ին՝ ժամը 14:30-ին, ԵՊՀ կենսաբանության ֆակուլտետում «Մարդու բջիջների գենոմային անկայունության նոր կենսամարկերներ» թեմայով զեկուցմամբ հանդես կգա Ընդհանուր և մոլեկուլային գենետիկայի լաբորատորիայի գիտաշխատող Տիգրան Հարությունյանը:

Ս.թ. մարտի 29-ին՝ ժամը 13:00-ին, ԵՊՀ եվրոպական ուսումնասիրությունների կենտրոնի Ռոբերտ Շումանի անվան սրահում (ԵՊՀ գրադարանի մասնաշենք, 1-ին հարկ) կանցկացվի «Բիզնես հաղորդակցությունը՝ որպես կարիերայի զարգացման հիմնական հմտություն» խորագրով դասընթաց։

Ս․թ․ մարտի 29-ին՝ ժամը 12:30-ին, ԵՊՀ պատմության ֆակուլտետի 317 լսարանում կանցկացվի Սուրբ Հարության տոնին նվիրված միջոցառում։

Ս.թ. մարտի 28-ին՝ ժամը 14:00-ին, ԵՊՀ հրաձգարանում կանցկացվի ՀՀ ուսանողական մարզական 25-րդ խաղերի՝ հրաձգության առաջնությունը: