Իրադարձություններ

Ս.թ. ապրիլի 12-ին՝ ժամը 14:30-ին, ԵՊՀ 6-րդ մասնաշենքի ընթերցասրահում (318 լսարան) կանցկացվի «Ինչպե՞ս կարող է ազգագրական հետազոտությունը կիրառվել զարգացման ծրագրերում․ «EU Lead4Shirak» ծրագրի փորձը» խորագրով հանդիպում-քննարկում:

Ս․թ․ ապրիլի 12-ին՝ ժամը 14։30-ին, ԵՊՀ եվրոպական ուսումնասիրությունների կենտրոնի Ռոբերտ Շումանի անվան սրահում (ԵՊՀ գրադարանի մասնաշենք, 1-ին հարկ) «Կոնվերս բանկ» ՓԲԸ-ի գլխավոր գործադիր տնօրեն, տնօրինության նախագահ Անդրանիկ Գրիգորյանը հանդես կգա «Հայաստանի բանկային համակարգը, ձևավորման փուլերը և զարգացման ուղին» խորագրով դասախոսությամբ:

Ս.թ. ապրիլի 12-ին՝ ժամը 11։00-ին, ԵՊՀ Պալեանների անվան դահլիճում տեղի կունենա հանդիպում ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի հետ:

Ս․թ․ ապրիլի 10-12-ը ԵՊՀ գիտական խորհրդի նիստերի դահլիճում տեղի կունենա «Հաշվետու գիտաժողով-2024» գիտական միջոցառումը:

Ս.թ. ապրիլի 11-ին՝ ժամը 14։30-ին, ԵՊՀ Սարգիս և Մարի Իզմիրլյանների անվան գրադարանում (503 ընթերցասրահ) տեղի կունենա «Ինչպե՞ս սկսել կարիերան ՏՏ ոլորտում» խորագրով հանդիպում:

Ս.թ. ապրիլի 11-ին՝ ժամը 12:50-ին, ԵՊՀ մաթեմատիկայի և մեխանիկայի ֆակուլտետի 111 լսարանում «Ցե-Կվադրատ Ամպեգա Ասեթ Մենեջմենթ Արմենիա» ընկերության ներկայացուցիչները  կանցկացնեն իրազեկման արշավ և Հայաստանում գործող կուտակային կենսաթոշակային համակարգի վերաբերյալ դասընթաց։

Ս.թ. ապրիլի 10-ին և 11-ին՝ ժամը 12:00-ին, ԵՊՀ 6-րդ մասնաշենքի դահլիճում տեղի կունենա «Հայոց հին շրջանի պատմության հիմնահարցերը» խորագրով հանրապետական գիտաժողով՝ նվիրված պ.գ.դ., պրոֆեսոր Արտակ Մովսիսյանի հիշատակին:

Ս.թ. ապրիլի 10-ին՝ ժամը 13:00-ին, ԵՊՀ Պալեանների անվան դահլիճում տեղի կունենա հանդիպում ՀՀ-ում Բրազիլիայի արտակարգ և լիազոր դեսպան Ֆաբիո Վազ Պիտալուգայի հետ:

Ս.թ. ապրիլի 10-ին՝ ժամը 13:00-ին, ԵՊՀ 7-րդ մասնաշենքի 407 լսարանում տեղի կունենա «Ոսկի սերմեր․ հարգանքի և երախտագիտության կրթամրցանակներ» ծրագրի մրցանակաբաշխության արարողությունը։

Ս.թ. ապրիլի 10-ին՝ ժամը 12։00-ին, ԵՊՀ հայ բանասիրության ֆակուլտետի դահլիճում (ԵՊՀ 8-րդ մասնաշենք) կանցկացվի հուշ-ցերեկույթ՝ նվիրված մեծանուն լեզվաբան Ալեքսանդր Մարգարյանի 100-ամյակին: