Միջոցառում՝ նվիրված հայ-չինական հարաբերությունների ամրապնդմանը ԵՊՀ միջազգային հարաբերությունների ֆակուլտետում անցկացվեց չինական Նոր տարվան և Լապտերների տոնին նվիրված բաց դաս, որը միտված էր չինարեն սովորող ուսանողներին և Չինաստանով ու չինական մշակույթով հետաքրքրվող անձանց ծանոթացնելու չինական ավանդական տոներին։
Զբոսաշրջության ոլորտի վերաբերյալ բուհում ստացած գիտելիքները գործնականում կիրառելու նոր հնարավորություններ․ կնքվեց փոխըմբռնման հուշագիր ԵՊՀ աշխարհագրության և երկրաբանության ֆակուլտետի և «Արահետներ փոփոխության համար» ՀԿ-ի միջև ստորագրվեց փոխըմբռնման հուշագիր, որով նախատեսվում է համատեղ իրականացնել կրթական և ճանաչողական ծրագրեր, ապահովել փորձի փոխանակում, կազմակերպել զբոսաշրջային ոլորտին առնչվող միջոցառումներ:
ԵՊՀ միջազգային հարաբերությունների ֆակուլտետի դեկանը Հնդկաստանում մասնակցել է համաժողովի ԵՊՀ միջազգային հարաբերությունների ֆակուլտետի դեկան, պ.գ.թ., դոցենտ Տիգրան Եփրեմյանը փետրվարի 21-23-ը Հնդկաստանի մայրաքաղաք Նյու Դելիում մասնակցել է Հնդկաստանի ԱԳՆ և «Դիտորդ հետազոտական հիմնադրամ»-ի կազմակերպած ամենամյա «Ռաիսինա երկխոսություն» աշխարհաքաղաքական և աշխարհատնտեսական հեղինակավոր համաժողովին:
ԵՊՀ երիտասարդ ասպիրանտի հետազոտությունը՝ հեղինակավոր գիտական պարբերականում ԵՊՀ ֆիզիկայի ինստիտուտի ասպիրանտ Արտյոմ Մովսիսյանն արդեն մեկ տարի է, ինչ դասավանդում է «Ատոմի և միջուկի ֆիզիկա» առարկան, լաբորատոր պարապմունքներ անցկացնում երրորդ կուրսի ուսանողների հետ: Դասավանդելուն զուգահեռ՝ նա կատարում է գիտական հետազոտություն, որն առնչվում է օպտիկական տիրույթի նանոմասնիկներին:
«Մաթեմատիկան ինձ գրավել է դպրոցից, համալսարանը՝ ամուր կապել գիտությանը». ԵՊՀ ասպիրանտ ԵՊՀ մաթեմատիկայի և մեխանիկայի ֆակուլտետի հանրահաշվի և երկրաչափության ամբիոնի ասպիրանտ Արման Բայրամյանը ՀՀ ԿԳՄՍՆ բարձրագույն կրթության և գիտության կոմիտեի «Ասպիրանտների և երիտասարդ հայցորդների հետազոտությունների աջակցության ծրագիր-2023» դրամաշնորհային մրցույթի հաղթողներից է:
Փորձարարական հետազոտությունների նոր հնարավորություն տերահերցային տիրույթում ԵՊՀ ֆիզիկայի գիտահետազոտական ինստիտուտի ենթամիլիմետրային ալիքների լաբորատորիայի գիտաշխատողներն արդեն հնարավորություն ունեն տերահերցային տիրույթում փորձարարական հետազոտություններ կատարելու նոր սպեկտրոմետրի միջոցով:
ԵՊՀ պատվիրակությունը Կահիրեում է Աշխատանքային այցով Եգիպտոսում է ԵՊՀ պատվիրակությունը` մասնակցելու Աբդուլազիզ Սաուդ ալ-Բաբտեյն հիմնադրամի կազմակերպած «Խաղաղության մշակույթի 3-րդ համաշխարհային ֆորում»-ին։
Հետազոտություն՝ ուղղված կաթի շիճուկի աղազրկման անթափոն եղանակի մշակմանն ու արժեքավոր միացությունների որակական որոշմանը Երևանի պետական համալսարանի և ՀՀ ԳԱԱ «Հայկենսատեխնոլոգիա» գիտաարտադրական կենտրոնի հետազոտողները, համագործակցելով միմյանց հետ, ուսումնասիրել են կաթի շիճուկից լակտոզի ու լակտուլոզի ստացման արդյունավետ մեթոդը և հետազոտության արդյունքները հրապարակել միջազգային բարձր վարկանիշ ունեցող գիտական հանդեսում։
Մայրենի լեզվի միջազգային օրվան նվիրված միջոցառում ԵՊՀ-ում Համալսարանի գիտական խորհրդի նիստերի դահլիճում ԵՊՀ ՍԹԵՄ ավագ դպրոցի աշակերտների մասնակցությամբ և ուսուցիչներ Մերի Հովհաննիսյանի ու Լուիզա Մելքոնյանի նախաձեռնությամբ անցկացվեց դաս-միջոցառում՝ նվիրված Մայրենի լեզվի միջազգային օրվան։
ԵՊՀ-ում շրջայց է կատարել մշտադիտարկող պատվիրակությունը Համաշխարհային բանկի և «Կրթական ծրագրերի կենտրոն» ծրագրերի իրականացման գրասենյակի ներկայացուցիչներն այցելել են ԵՊՀ և ծանոթացել Մանրէաբանական կենսատեխնոլոգիաների և կենսավառելիքի նորարարական ու Դեղերի որակի հսկման և մոնիթորինգի գիտաուսումնական կենտրոնների գործունեության ուղղություններին, իրականացվող ծրագրերին ու հետազոտական նախագծերին։
