Ի գիտություն․ ստորև նշված շտեմարաններից հնարավորություն ունեք օգտվելու ԵՊՀ տարածքում:
ԵՊՀ-ն բաժանորդագրվել է JSTOR թվային գրադարանին։ ԵՊՀ-ի համար հասանելի են JSTOR Archive Collections, JSTOR Primary Sources Collections և JSTOR Global Plants հավաքածուները։
JSTOR-ն ապահովում է ավելի քան 75 բնագավառների շուրջ 2000 անուն լավագույն գիտական ամսագրեր (12 միլիոն թվային հոդվածներ), մոտ 120.000 էլեկտրոնային գրքեր (300 հայտնի գիտական հրատարակչություններից) և այլ նյութեր:
Գրադարանից կարող եք օգտվել ԵՊՀ ցանցին միացված համակարգիչների և սարքավորումների միջոցով JSTOR login հղմամբ, ինչպես նաև այլ վայրից՝ մուտք գործելով ԵՊՀ էլփոստի օգտահաշվով:
«ИД Директ-Медиа»-ն «Դասագրքեր բուհերի և դպրոցների համար» բաժնի հասանելիություն է տրամադրել Երևանի պետական համալսարանին մինչև 30.04.2025 թ.
- Անձնական աշխատասենյակում անհրաժեշտ և պահանջված բաժիններում բաժանորդագրության տեղեկագրի ձևավորում։
- Առցանց վիճակագրություն։ Վիճակագրության հաշվետու ժամանակաշրջանները կարելի է փոփոխել։
EIFL-ի հետ համագործակցության շրջանակում, որպես ՀԹԳԱ (Հայաստանի թվային գրադարանների ասոցիացիա) անդամ, ԵՊՀ գրադարանին հասանելի են հետևյալ կոմերցիոն պաշարները`ACM Digital Library, African American Studies Center, ASTM International, Brill Journals, Business Source Premier, Cambridge Journals Online և այլն։
ԵՊՀ-ն բաժանորդագրվել է EBSCO տվյալների շտեմարանին, ինչը հնարավորություն է տալիս օգտվելու EBSCO Publishing Academic Search Complete և eBook Academic Subscription Collection հավաքածուներից ԵՊՀ ցանցին միացված համակարգիչների և սարքավորումների միջոցով, ինչպես նաև այլ վայրից՝ մուտք գործելով ԵՊՀ էլփոստի օգտահաշվով):
Ռեսուրսները հասանելի են հետևյալ հղումով՝ http://search.ebscohost.com:
Հավաքածուներից օգտվելու ուղեցույցը՝ այստեղ՝ https://www.youtube.com/watch?v=J9N-fw9LLVU:
Հարցերի դեպքում դիմել ԵՊՀ գրադարանի համակարգչային ծառայությունների բաժին (ԵՊՀ գրադարանի մասնաշենք, 3-րդ հարկ, 302 սենյակ):
Հեռ․՝ (+374 60) 710 216, ներքին՝ 12-16
Էլհասցե՝ elpub@ysu.am, library@ysu.am
ԵՊՀ-ն գրանցվել է Research4Life շտեմարանում, որը հնարավորություն է տալիս օգտվելու հարթակի հավաքածուներից համալսարանի ցանցին միացված համակարգիչների և սարքավորումների միջոցով՝ մուտքագրելով համապատասխան օգտանուն և գաղտնաբառ։ Օգտանունը և գաղտնաբառը ստանալու համար անհրաժեշտ է դիմել ԵՊՀ գրադարանի համակարգչային ծառայությունների բաժին (ԵՊՀ գրադարանի մասնաշենք, 3-րդ հարկ, 302 սենյակ):
Հեռ․՝ (+374 60) 710 216, ներքին՝ 12-16
Էլհասցե՝ elpub@ysu.am, library@ysu.am
Research4Life շտեմարանից օգտվելու ուղեցույց և տեսանյութ
Այս համաձայնագիրը կշարունակի գործել մինչև 2030 թվականի դեկտեմբերի 31-ը:
Հարթակի ամբողջ բովանդակությունը (գրքեր, ամսագրեր, հետազոտական նյութեր) ամփոփված է հետևյալ հավաքածուներում․
- Hinari (կենսաբժշկական, առողջապահական գրականության ամենամեծ հավաքածուներից է),
- AGORA (սննդի և գյուղատնտեսության ոլորտներին վերաբերող թվային գրադարանային հավաքածու է),
- OARE (հավաքում է շրջակա միջավայրի վերաբերյալ տեղեկատվական ռեսուրսներ՝ ներառյալ էկոլոգիան, աշխարհագրությունը, էներգիան և այլն),
- ARDI (տրամադրում է գիտական և տեխնիկական տեղեկատվության հասանելիություն),
- GOALI (կենտրոնանում է իրավունքի և հասարակական գիտությունների վրա՝ ներառյալ քաղաքականությունը, տնտեսագիտությունը, փիլիսոփայությունը, պատմությունը և այլն):
«Մոլդովական միջազգային իրավունքի և միջազգային հարաբերությունների հանդես»-ը հնարավորություն է տալիս օգտագործելու ամսագրի արխիվը՝ https://rmdiri.md/en/:
ՅՈՒՆԵՍԿՕ-ի թվային գրադարանը՝ UNESDOC։ Թվային գրադարանի հանրահասանելի մասը պարունակում է 2000-ից ավելի գրքեր, 6000-ից ավելի հոդվածներ և գրքերի գլուխներ, 302 պարբերական հրատարակություն անգլերեն, ֆրանսերեն, ռուսերեն և այլ լեզուներով։ UNESDOC-ում կգտնեք նյութեր բնապահպանության, կրթության, կլիմայի փոփոխությունների, պատմության, միջազգային հարաբերությունների և բազմաթիվ այլ թեմաների շուրջ։
Թվային գրադարանից օգտվելը դյուրացնում են տարատեսակ ֆիլտրերը՝ ըստ լեզուների, թեմաների, հեղինակների, տարեթվերի, երկրների և այլ հատկանիշների։
World Scientific-ը տրամադրում է «MA Group AG»-ի էլեկտրոնային պաշարների փորձնական հասանելիություն։
Palace Bookshelf ամերիկյան թվային հանրային գրադարանում հնարավոր է գտնել ավելի քան 11.000 էլեկտրոնային գրքեր (գեղարվեստական գրքեր, դասագրքեր, մանկական գրքեր և այլն)։ Բոլոր գրքերը անվճար հասանելի են epub և mobi ձևաչափերով։
Գրադարանում կգտնեք Ջ. Օսթինի, Ա. Կ. Դոյլի, Լ. Ֆ. Բաումի, Է. Հեմինգուեյի, Ջ. Ջոյսի և այլ հեղինակների գրքեր։
Palace Bookshelf թվային գրադարանը հիանալի հնարավորություն է Ձեր և Ձեր երեխաների ամառային ընթերցանությունը կազմակերպելու և անգլերենը զարգացնելու համար։
Նյու Յորքի «Մետրոպոլիտեն» արվեստի թանգարանը հասանելի է դարձրել թանգարանի արվեստի պատմության մասին հինգ տասնամյակների հրապարակումները, որոնք հնարավոր է անվճար կարդալ, ներբեռնել և որոնել այստեղ։
Միավորված ազգերի կազմակերպության թվային գրադարանը ՄԱԿ-ի հիմնական մատենագիտական տվյալների բազան է, որը հիմնադրվել է 1979 թվականին: Այն բաղկացած է ՄԱԿ-ի և ոչ ՄԱԿ-ի փաստաթղթերից և հրապարակումներից վեց լեզուներով՝ արաբերեն, չինարեն, անգլերեն, ֆրանսերեն, ռուսերեն և իսպաներեն։ Փաստաթղթերի լեզուն անգլերենն է։
Թվային գրադարանում կգտնեք գրքեր և պարբերականներ տնտեսագիտության, միջազգային առևտրի և ֆինանսների, իրավունքի և արդարադատության, շրջակա միջավայրի և հանրային առողջության և շատ այլ թեմաների շուրջ։ Գրադարանը պարբերաբար համալրվում է, ծավալն արդեն հատել է 1 միլիոն անունի սահմանը։ Ողջ շտեմարանը բաց է բոլորի համար։
Բրիտանական CORE (Connecting Repositories)-ը հանրահասանելի շտեմարանների ամենամեծ հավաքածուն է աշխարհում։ Այն մեկ հարթակում է միավորել համաշխարհային տարբեր գիտական ամսագրեր, հոդվածներ, ատենախոսություններ, հետազոտություններ և այլն։ Ընդհանուր հաշվարկով այժմ հավաքածուն պարունակում է ավելի քան 243 միլիոն հետազոտություն՝ տարբեր լեզուներով, ամբողջ աշխարհի վերաբերյալ, 11.000 անհատ հեղինակներից, հրատարակիչներից, համալսարաններից և այլ կազմակերպություններից։
«CORE»-ն ունի փնտրման ճկուն համակարգ, ինչպես նաև նյութի բովանդակությունը PDF ձևաչափով ներբեռնելու կամ տպելու հնարավորություն։
