Հաճախ տրվող հարցեր

ԵՊՀ գրադարանին հնարավորություն ունեն անդամակցելու բոլոր համալսարանականները՝ առկա և հեռակա բաժինների ուսանողները, հայցորդները, ասպիրանտները, աշխատակիցները։

Գրադարանի ծառայություններից օգտվելու համար անհրաժեշտ է ունենալ միասնական տոմս։

Ոչ համալսարանականները նույնպես հնարավորություն ունեն օգտվելու գրադարանի ծառայություններից՝ գրադարանի տնօրենի թույլտվությունն ունենալու դեպքում։

Գրադարանից օգտվելու համար անհրաժեշտ է ունենալ միասնական տոմս, որը ուսանողներին տրամադրում է ֆակուլտետը: Այն և՛ ուսանողական տոմս է, և՛ գրադարանի (ընթերցողական), որը տրվում է որոշակի ժամկետով` ելնելով ընթերցողի համալսարանական կարգավիճակից։ Ըստ այդմ, միասնական տոմսը տրվում է՝

• բակալավրիատի ուսանողներին չորս տարի ժամկետով,
• մագիստրատուրայի ուսանողներին երկու տարի ժամկետով,
• ԵՊՀ պրոֆեսորադասախոսական կազմի ներկայացուցիչներին՝ նրանց հետ կնքված պայմանագրի ժամկետին համապատասխան։

Հարգելի՛ ընթերցող, եթե կորցրել եք Ձեր միասնական տոմսը, առաջին իսկ հնարավորության դեպքում ներկայացե՛ք ԵՊՀ գրադարանի համակարգչային բաժին (գրադարանի մասնաշենք, 302 սենյակ), որպեսզի գրադարանավարն արգելափակի տոմսը՝ այլ մարդկանց կողմից այն օգտագործելու հնարավորությունը կանխարգելելու նպատակով։

Ընթերցողական տոմսը վերաթողարկելու համար դիմե՛ք ձեր ֆակուլտետի դեկանատ, որտեղ կստանաք հրահանգներ ձեր հետագա քայլերի վերաբերյալ։

Տոմսի վերաթողարկման հետ կապված այլ հարցերի դեպքում դիմե՛ք գրադարանի համակարգչային բաժին (ԵՊՀ գրադարանի մասնաշենք, 3-րդ հարկ, 302 սենյակ)։

ԵՊՀ գրադարանում առկա բոլոր նյութերը փնտրել, գտնել, ինչպես նաև առցանց պատվեր գրանցել հնարավոր է մեր էլեկտրոնային քարտարանում՝ http://koha.ysu.am/ հասցեով։

Դրա համար անհրաժեշտ է մուտք գործել համակարգ՝ հավաքելով ընթերցողական տոմսի համարը և Ձեր գաղտնաբառը։

Համակարգում կարելի է փնտրում կատարել պարզ և ընդլայնված որոնում (Advanced search) աշխատակերպերով։

Պարզ աշխատակերպով նյութեր փնտրելու համար անհրաժեշտ է որոնման պատուհանում մուտքագրել փնտրվող նյութի հետ կապված բառեր կամ արտահայտություններ (վերնագիրը կամ հեղինակի անունը, հրատարակման տարեթիվը կամ բոլորը միաժամանակ), ապա սեղմել «Փնտրել» կոճակը։

Հնարավոր է նաև բացվող ընտրացանկից ընտրել նյութի ցուցիչը (օրինակ՝ վերնագիր կամ հեղինակ) և որոնման պատուհանում հավաքել փնտրվող նյութի վերնագրիը կամ բառեր վերնագրից), ապա սեղմել «Փնտրել» կոճակը։

Բառի մի մասով փնտրում կատարելու համար անհրաժեշտ է օգտագործել աստղանիշը (*)։ Այն հնարավոր է կիրառել բառամիջում և բառավերջում:

Ընդլայնված որոնում աշխատակերպը hնարավորություն է տալիս որոնում կատարելու միաժամանակ մի քանի ցուցիչների և Բուլյան օպերատորների AND, OR , NOT օգնությամբ, օրինակ՝ ըստ վերնագրի և հրատարակման տարեթվի միաժամանակ՝ համապատասխան դաշտերում մուտքագրելով վերնագիրը և հրատարակման տարեթիվը:

Ինչպես նաև հնարավոր է որոնել՝ ըստ փնտրվող նյութի տեսակի (գիրք, ամսագիր, քարտեզ, ատենախոսություն և այլն)։

Որոնման արդյունքում կարտածվեն քարտարանում առկա համապատասխան նյութերը:

Հարգելի՛ ընթերցող, Դուք հնարավորություն ունեք առցանց եղանակով նյութեր պատվիրելու գրադարանի առցանց քարտարանում՝ http://koha.ysu.am/ հասցեով։ Դրա համար անհրաժեշտ է մուտք գործել համակարգ՝ հավաքելով միասնական (ընթերցողական) տոմսի համարը և Ձեր գաղտնաբառը կամ մուտք գործել որպես Google օգտատեր՝ մուտքագրելով Ձեզ տրամադրված համալսարանական էլեկտրոնային հասցեն և գաղտնաբառը։ Այնուհետև կատարել փնտրում, գտնել պահանջված նյութը, ապա սեղմել «Պատվեր» կամ «Place hold» կոճակը։

Մեր գրացուցակում առկա ոչ բոլոր նյութերի համար կա առցանց պատվեր կատարելու հնարավորություն, ուստի այդ նյութերի համար «Պատվեր» կամ «Place hold» կոճակը ակտիվ չէ։